छत्रपती संभाजीनगर: वेरूळ येथील घृष्णेश्वर ज्योतिर्लिंग मंदिरात (Grishneshwar Jyotirlinga Temple) श्रावण महिन्यातील (Shravan) वाढत्या गर्दीमुळे महत्त्वाचा निर्णय घेण्यात आला आहे. दर्शनाची प्रक्रिया जलद करण्यासाठी या कालावधीत मंदिरात अभिषेक करण्यास बंदी घालण्यात आली आहे.
भाविकांना केवळ पांढरी फुले, बेलफूल आणि थोत्रा अर्पण करण्याची मुभा असेल; मात्र अन्य पानफुले वा साहित्य अर्पण करता येणार नाही. अभिषेकाऐवजी भाविकांना प्रत्यक्ष दर्शनाचीच सुविधा उपलब्ध करून देण्यात येणार आहे

श्रावण महिन्यात रोज जवळपास एक लाख भाविक घृष्णेश्वराचे दर्शन घेतात, तर श्रवण सोमवारी ही संख्या दोन लाखापर्यंत पोहोचते. अभिषेकामुळे रांग लांबणीवर जात असल्याने भाविकांना होणारी गैरसोय टाळण्यासाठी हा निर्णय घेतल्याचे मंदिर प्रशासनाने स्पष्ट केले आहे.