Priyanka Shinde
नवी दिल्ली | ३ मे २०२५
UIDAI (भारतीय विशिष्ट ओळख प्राधिकरण) ने आधार वापरकर्त्यांसाठी महत्त्वाची सूचना जारी केली आहे. जर आधार कार्डाशी जोडलेला तुमचा मोबाइल नंबर बऱ्याच काळापासून बंद असेल, तर त्या नंबरवर OTP येणार नाही. परिणामी, KYC अपडेट, बँक व्यवहार, सरकारी सबसिडी, डिजिलॉकर अॅक्सेस यांसारख्या महत्त्वाच्या सेवांमध्ये अडचण येऊ शकते.
UIDAI ने स्पष्ट केलं आहे की, “सक्रिय नंबरच OTP साठी वापरता येईल, बंद नंबरवर व्यवहार शक्य होणार नाहीत.” त्यामुळे नागरिकांनी तातडीने आपला मोबाइल नंबर अपडेट करण्याचे आवाहन करण्यात आले आहे.
मुख्य मुद्दे: नवीन नियम काय सांगतात?
•बंद मोबाइल नंबरवर OTP मिळणार नाही, त्यामुळे डिजिटल व्यवहार अपूर्ण राहतील
•KYC, बँकिंग, डिजिलॉकर, पासपोर्ट, सबसिडी यांसारख्या अनेक सेवांवर थेट परिणाम
•जुना नंबर दुसऱ्याकडे गेला असल्यास, डेटा सुरक्षेचा धोका
•UIDAI चं आवाहन: आधारशी जोडलेला मोबाइल नंबर नेहमी चालू स्थितीत ठेवा
मोबाइल नंबर अपडेट करण्याची प्रक्रिया कशी करावी?
ऑफलाईन (Aadhaar Kendra वर):
1.जवळच्या आधार सेवा केंद्रात भेट द्या
2.‘Mobile Number Update’ फॉर्म भरा
3.आधार कार्ड व नवीन नंबर सादर करा
4.बायोमेट्रिक व्हेरिफिकेशननंतर नंबर अपडेट होतो
5.फी: ₹50
ऑनलाइन:
•www.uidai.gov.in वर ‘Update Mobile Number’ विभागात जाऊन अपॉइंटमेंट बुक करा
जर तुम्हाला डिजिटल व्यवहारात कोणतीही अडचण टाळायची असेल, तर आजच तुमचा मोबाइल नंबर आधारशी अपडेट करा.
अधिक माहितीसाठी भेट द्या: https://uidai.gov.in
