संपूर्ण महाराष्ट्रमध्ये छावा मराठा योद्धा संघटना सामाजिक कार्यासाठी अग्रेसर असून दरवर्षी या संघटने कडून विविध प्रकारचे उपक्रम राबवले जातात. दिनांक 25 जुलै रोजी आषाढी एकादशी निमित्त संपूर्ण महाराष्ट्रातील भाविक भक्त मोठ्या संख्येने पंढरपूर येथे देवदर्शनासाठी जात असतात.

छावा मराठा योद्धा संघटनेच्या उपक्रमाला मोठा प्रमाणात प्रतिसाद 

छावा मराठा योद्धा संघटनेच्या वतीने चिपळूण येथे आषाढी एकादशी पावन निमित्ताने विविध शासकीय कार्यालय तसेच शासकीय उपजिल्हा रुग्णालय येथे फळांचे वाटप करण्यात आले. या सामाजिक उपक्रमाला सर्वच स्तरातून मोठ्या प्रमाणात प्रतिसाद लाभला.

सेवाभावी उपक्रमाचे मनःपूर्वक कौतुक

शासकीय रुग्णालय, वैद्यकीय अधिकारी, पोलीस अधिकारी, तहसील कार्यालय, प्रांत कार्यालय तसेच वृद्धाश्रम समितीच्या पदाधिकाऱ्यांनी संघटनेच्या या सेवाभावी उपक्रमाचे मनःपूर्वक कौतुक केले व छावा मराठा योद्धा संघटनेला पुढील सामाजिक कार्यासाठी शुभेच्छा दिल्या. छावा मराठा योद्धा संघटनेचा सामाजिक कार्यामध्ये मोठा वाटा असून भविष्यातही समाजहित सेवाभाव आणि जनकल्याणाच्या विविध उपक्रमाद्वारे समाजसेवेचे कार्य सातत्याने करणार असल्याचे संघटनेच्या पदाधिकाऱ्यांकडून सांगण्यात आले आहे.

छावा मराठा योद्धा संघटनेचे संस्थापक अध्यक्ष मुदस्सीर भाई पटेल यांच्या आदेशानुसार महाराष्ट्र अध्यक्ष नयनेश दळी, कोकण निरीक्षक अनिकेत साळवी, राधाई फाउंडेशन राधा लवेकर, तालुका अध्यक्ष प्रमोद आयरे, युवक जिल्हाध्यक्ष दर्शन सुर्वे, शहराध्यक्ष नाना गवळी, संपर्कप्रमुख संजय काजरोळकर, संघटनेचे सदस्य प्रसाद शिर्के, प्रमोद खाडे, संतोष हरेकर,प्रणित कलकुटकी, स्मिता अहिरे, कुमारी आरती यांच्या सहकार्याने आषाढी एकादशी निमित्त सेवा उपक्रमाचा कार्यक्रम संपन्न झाला.

जागृत महाराष्ट्र न्यूज रामदास चव्हाण रायगड