अमोल भालेराव
उबाठा नेते उद्धव ठाकरे आणि मनसे प्रमुख राज ठाकरे यांनी आज विजय जल्लोष सभा आयोजित केली आहे. दादरमध्ये वीर सावरकर मार्गावर ठाकरे बंधूंची आज जल्लोष सभा होणार असून याची जोरदार तयारी करण्यात आली आहे. महत्त्वाचं म्हणजे, आत्तापासूनच तरुणांनी आंदोलन स्थळी जमण्यास सुरुवात केली आहे.पण सभेपूर्वीच हजारोंच्या संख्येन तरुणाई सभास्थळी आलेली पाहायला मिळतेय.प्रत्येकाच्या हातात तिरंगी आणि पोस्टर पाहायला मिळतायत.
ठाकरे बंधूंनी जल्लोष सभा
२५ जुलै २०२६ दुपारी धर्मेंद्र प्रधान यांनी आपल्या पदाचा राजीनामा दिला. ज्यामुळे जंतर मंतर येथील सुरू असलेले आंदोलन संपुष्टात आले आहे.परीक्षा पद्धतीत सुधारणा, नीट पेपरफुटीसाठी जबाबदारी निश्चित करणे आणि केंद्रीय शिक्षणमात्र म्हणून प्रधान यांच्या राजीनाम्याच्या मागणीसाठी सीजेपीच्या नेतृत्वाखाली २० जून रोजी जंतर मंतर येथे हे विद्यार्थी आंदोलन सुरू झाले होते.पण त्याच पार्श्वभूमिवर ठाकरे बंधूंनी आज सभा आयोजित करण्यात आलेली आहे.
— Office of Uddhav Thackeray (@OfficeofUT) July 26, 2026
देशातील तरुणांचे अभिनंदन करण्यासाठी
तरुणांनी देशाला ‘भीतीच्या वातावरणातून’ बाहेर काढले आहे. त्यामुळे देशातील तरुणांचे अभिनंदन करण्यासाठी शिवसेना आणि मनसे पक्षांनी आयोजित केलेली रविवारची सभा ही जल्लोष सभा आयोजित करण्यात आली आहे.याबद्दलची माहिती शिवसेना (उबाठा) प्रमुख उद्धव ठाकरे आणि मनसे प्रमुख राज ठाकरे यांनी दिली होती.’
— Office of Uddhav Thackeray (@OfficeofUT) July 26, 2026
पोलिसांचा कडेकोट बंदोबस्त
मुंबईत ठाकरे बंधूंच्या सभेआधीच पोलीस सभेस्थळी हजर झाले आहेत. जल्लोष सभेची तयारी होत असताना, पोलिसांचा कडेकोट बंदोबस्त पाहायला मिळत आहे. सर्व ठिकाणी वाहतूक अधिकारी तसेच पोलीस बल तैनात करण्यात आले आहे. थोड्याच वेळात ठाकरे बंधू या ठिकाणी उपस्थित होणार आहेत. यावेळी कोणत्याही प्रकारची राजकीय बॅनरबाजी करण्यात आलेली नाही.तरी देखील हजारोंच्या संख्येनं लोक सभास्थळी हजर होताना दिसत आहेत.
