अमोल भालेराव
भारतीय सिनेसृष्टी आणि मराठी रंगभूमी गाजवणारे ज्येष्ठ अभिनेते नाना पाटेकर यांचे वयाच्या ७५ व्या वर्षी त्यांच्या राहत्या घरी हृदयविकाराच्या झटक्याने निधन झाले़. गुरुवारी, ८ ऑक्टोबर रोजी, गोव्यातील डोना पौला येथील त्यांच्या निवासस्थानी त्यांचे निधन झाले. रुग्णालयाच्या सूत्रांनुसार, अभिनेते बेशुद्ध अवस्थेत आढळले होते. दीर्घ प्रयत्नांनंतरही नाना पाटेकर यांना वाचवता आले नाही. रुग्णालयाच्या सूत्रांनी दिलेल्या माहितीनुसार, पहाटे ५:२० च्या सुमारास त्यांना मृत घोषित करण्यात आले.
नाना पाटेकर जमिनीवर बेशुद्ध अवस्थेत आढळले
मिळालेल्या वैद्यकीय माहितीनुसार,नानांच्या छातीत वेदना होत असल्याने पहाटे ४:२० च्या सुमारास केेअरटेकरनी रुग्णवाहिका मागवली. रुग्णवाहिका निवासस्थानी पोहोचली तेव्हा वैद्यकीय टीमला नाना पाटेकर जमिनीवर बेशुद्ध अवस्थेत पडलेले आढळले. वैद्यकीय टीमने तिथेच सीपीआर (CPR) देण्यास सुरुवात केली आणि त्यांना तातडीने मणीपाल रुग्णालयात दाखल केले.रुग्णालयात डॉक्टरांनी सुमारे ४५ मिनिटे कार्डियाक मसाज आणि सीपीआर देऊन त्यांना वाचवण्याचा शर्थीचा प्रयत्न केला, परंतु उपचारांना कोणताही प्रतिसाद मिळाला नाही. अखेर पहाटे ५:२० वाजता डॉक्टरांनी त्यांना मृत घोषित केले.
डॉक्टरांनी सांगितला नाना पाटेकर यांच्या अखेरच्या क्षणांचा संपूर्ण घटनाक्रम
दरम्यान मणिपाल रुग्णालयातील वरिष्ठ डॉक्टर, डॉ. शेखर साळकर यांनी नाना पाटेकर यांची घरी अवस्था कशी होती किंवा त्यांना रुग्णालयात आणेपर्यंतचा सर्व संपूर्ण घटनाक्रम आणि नाना पाटेकर यांच्या निधनाबद्दलची सर्व माहिती दिली आहे. ते म्हणाले की, “नाना पाटेकर यांना आमच्या रुग्णालयात मृत अवस्थेत आणण्यात आले आणि आज पहाटे ५:२० वाजता त्यांना मृत घोषित करण्यात आले. त्यांचे केअरटेकर पहाटे ४:१८ किंवा ४:२० च्या सुमारास पोहोचले, त्यांनी आमची रुग्णवाहिका घेतली आणि ते त्यांच्या जवळच्या अपार्टमेंटमध्ये गेले. आमची टीम तिथे पोहोचली तेव्हा ते जमिनीवर बेशुद्ध अवस्थेत पडले होते आणि जवळपास कोणतीही प्रतिक्रिया देत नव्हते.” तिथेच त्यांना सीपीआर सुरू केला आणि तो चालू ठेवतच त्याला रुग्णालयात आणले. त्याला इथे आणायला सुमारे १० मिनिटे लागली आणि आम्ही इथेही सीपीआर चालू ठेवला.पण असे वाटत होते की त्याला मृत अवस्थेत आणले होते.”
VIDEO | Goa: Veteran actor Nana Patekar passes away at 75. Dr Shekhar Salkar, a senior doctor at Manipal Hospital, says, “Our favourite actor Nana Patekar was brought dead to our hospital and was declared dead at 5.20 am today. His caretaker arrived at around 4.18-20 am, took our ambulance and went to his flat, which is nearby. By the time our team reached there, he was already on the ground, unconscious and almost unresponsive. They started CPR and shifted him to the hospital while continuing CPR. He was brought here in about 10 minutes, and we continued CPR here as well. But it was like he was brought dead. So we had to register a medico-legal case, and the body has now been shifted to Goa Medical College for post-mortem. It was a cardiac arrest, but we do not know the cause. He was a known cardiac patient and was on medication, as far as we have been told.”
(Full video available on PTI Videos – https://t.co/bIyFWTfmBd)
— Press Trust of India (@PTI_News) October 8, 2026
आधीपासूनच हृदयाचा आजार होता
डॉक्टर पुढे म्हणाले “आता मृतदेह शवविच्छेदनासाठी गोवा मेडिकल कॉलेजमध्ये पाठवण्यात आले आहे. हे हृदयविकाराच्या झटक्यामुळे त्यांचा मृत्यू झाल पण सोबतच आणखी काही कारणे आहेत का याची आम्हाला कल्पना नाही. आम्हाला सांगितल्याप्रमाणे, त्यांना आधीपासूनच हृदयाचा आजार होता आणि तो औषधे घेत होते.असं सांगण्यात आलं आहे.”
सर्वञ हळहळ
दरम्यान नानांच्या जाण्याने मनोरंजन आणि सामाजिक क्षेञातही एक पोकळी निर्माण झाली आहे. त्यांच्या जाण्याने सर्वांनाच मोठा धक्का बसला आहे. त्यांची ही जागा कधीच कोणी घेऊ शकणार नाही अशाच सर्वांच्या भावना आहेत.
