जंतर-मंतरवरील सोनम वांगचुक यांच्या उपोषणाला आणि कॉकरोच जनता पार्टीच्या आंदोलनही चिघळलं. हे सगळं सुरू असताना सोनम वांगचूक यांच्या उपोषणावरून ‘3 इडियट्स’ चित्रपटाचा संबंध जोडण्यात आला होता. मात्र काही दिवसांनी आमिर खानने थ्री इडियट्स या सिनेमातील रँचोची भूमिका सोनम वांगचुक यांच्याशी संबंधित नसल्याचं म्हटल्यानंतर सोशल मीडियावर आमीर खानच्या वक्तव्यावरून त्याला ट्रोलही करण्यात आलं.

‘3 इडियट्स’ चित्रपट तब्बल १३ वर्षांनंतर पुन्हा चित्रपटगृहांमध्ये

मात्र आता याच आंदोलनाच्या पार्श्वभूमीवर आमिर खानचा ‘3 इडियट्स’ चित्रपट तब्बल १३ वर्षांनंतर पुन्हा एकदा चित्रपटगृहांमध्ये प्रदर्शित होणार आहे. जंतर-मंतरचा आंदोलन आणि सोनम वांगचूक यांच्या आंदोलनाच्या पार्श्वभूमीवर बॉलिवूडचा लोकप्रिय चित्रपट ‘3 इडियट्स’ पुन्हा एकदा प्रेक्षकांच्या भेटीला येणार आहे. आमिर खान, आर. माधवन, शर्मन जोशी, करीना कपूर आणि बोमन इराणी यांच्या दमदार अभिनयाने गाजलेला हा चित्रपट तब्बल १७ वर्षांनंतर पुन्हा सिनेमागृहात प्रदर्शित होणार असल्याची माहिती समोर आली आहे.

कधी प्रदर्शित होणार ‘3 इडियट्स’?

मीडिया रिपोर्ट्सनुसार, हा ब्लॉकबस्टर चित्रपट ४ सप्टेंबर २०२६ रोजी पुन्हा चित्रपटगृहांमध्ये दाखल होण्याची शक्यता आहे. एनएच स्टुडिओ आपल्या धोरणात्मक नियोजनाचा भाग म्हणून या चित्रपटाच्या भव्य पुन्हा प्रदर्शनाची तयारी करत असल्याचं म्हटलं जात आहे.

ओमी वैद्यचा सोनम वांगचुक यांच्या समर्थनार्थ व्हिडिओ 

२००९ मध्ये प्रदर्शित झालेल्या या चित्रपटाने शिक्षण व्यवस्था, मैत्री आणि विद्यार्थ्यांवरील दबाव यांसारख्या विषयांवर भाष्य करत प्रेक्षकांच्या मनात विशेष स्थान निर्माण केलं होतं. त्यामुळे चित्रपट पुन्हा प्रदर्शित होणार असल्याची बातमी समोर येताच चाहत्यांमध्ये उत्सुकता वाढली आहे.आमिर खानने साकारलेलं ‘फुनसुख वांगडू उर्फ रांचो’ हे पात्र सोनम वांगचुक यांच्यापासून प्रेरित असल्याची चर्चा अनेक दिवसांपासून सुरू होती. 3 इडियट्स चित्रपटात ‘चतुर’ची भूमिका साकारणाऱ्या अभिनेता ओमी वैद्यचा सोनम वांगचुक यांच्या समर्थनार्थ व्हिडिओ शेअर केला होता. त्यानंतर या चर्चेला हवा मिळाली होती.

मात्र सोनम वांगचुक आंदोलनाच्या पार्श्वभूमीवर 17 वर्षांनंतर ‘3 इडियट्स’ पुन्हा एकदा मोठ्या पडद्यावर येणार असल्याने प्रेक्षकांमध्ये या चित्रपटाबद्दल जास्तच उत्सुकता निर्माण झाली आहे. ‘3 इडियट्स’ला प्रेक्षकांचा कसा प्रतिसाद मिळतो, याकडे सर्वांचं लक्ष लागलं आहे.