अमोल भालेराव
सलमान खान नुकताच मुंबईतील ‘झोपडपट्टी पुनर्वसन प्राधिकरण’कार्यालयातील एका कार्यक्रमात सहभागी झाला होता. त्या दरम्यानचा त्याचा एक व्हिडिओ प्रचंड व्हायरल झाला आहे.हा व्हिडीओ पाहून अनेकांना धक्काच बसला कारण यात सलमानचे शरीर खूप सडपातळ आणि डोळ्यांखाली सूज दिसत होती.यामुळे त्याला काही गंभीर आजार झाल्याच्या चर्चा सुरू झाल्या होत्या. चाहत्यांना त्याच्या तब्येतीची काळजी वाटू लागली होती. व्हायरल व्हिडिओमुळे सलमान खान यांच्या प्रकृतीबाबत चर्चांना उधाण आले आहे. मात्र आता या व्हिडीओबाबत तसेच चाहत्यांना वाटणाऱ्या त्याच्या काळजीबाबत सलमान खानने स्पष्ट केलं आहे. त्याने एका मजेशीर सोशल मीडिया पोस्टद्वारे यासर्वांवर अप्रत्यक्ष प्रतिक्रिया दिली आहे.
सलमानची अवस्था पाहून चाहतेही काळजीत
व्हायरल व्हिडिओबाबत प्रतिक्रिया देत भाईजानने रात्री उशिरा त्याचे नवे फोटो शेअर करत चाहत्यांना ‘तुमची तब्येत कशी आहे?’ असा प्रश्न विचारला. पोस्टवर चाहत्यांच्या भावनिक प्रतिक्रिया उमटल्या. बॉलिवूडचा ‘दबंग’ स्टार सलमानचा व्हायरल व्हिडीओमधील त्याची ती अवस्था पाहून चाहतेही काळजीत पडले. या व्हिडिओमध्ये सलमानचा बदललेला लूक पाहून अनेक चाहत्यांनी त्याच्या प्रकृतीबाबत चिंता व्यक्त केली.
View this post on Instagram
सलमान खानने अचानक एवढं वजन कमी का केलं?
नेहमी फिटनेसला प्राधान्य देणारा सलमान खान इतका बारीक आणि निस्तेज दिसत असल्याने चाहत्यांना मात्र वाईट वाटलं. सलमान खानने अचानक एवढं वजन कमी का केलं की कोणत्या आजाराने झालं असे अनेक प्रश्न त्यांच्या चाहत्यांना पडले आहेत. मात्र, या चर्चांदरम्यान सलमानने स्वतः कोणतेही स्पष्टीकरण दिलेले नाही. दरम्यान, त्याने रात्री उशिरा ही पोस्ट शेअर केली आहे.
सलमान खानने पोस्टद्वारे चाहत्यांना दिलं उत्तर
सलमानने त्याच्या इन्स्टग्राम अकाऊंटवर एक पोस्ट शेअर केली आहे. या पोस्टमध्ये सलमानचे स्वत: चे फोटो वेगवेगळ्या लूकमध्या पाहायला मिळत आहेत. एक फोटोमध्ये त्याने काळ्या रंगाचा शर्ट आणि डोक्यावर हॅट घातली आहे. तर दुसऱ्या फोटोमध्ये त्याने एका वेगळ्या स्टाईलची हॅट घातली आहे. आणखी एका फोटोमध्ये त्याने जॅकेट घातले आहे. सलमानचे वेगवेगळ्या पोज आणि स्टाईलमधील फोटो सध्या सोशल मीडियावर सर्वांचे लक्ष वेधून घेत आहेत. पण हे फोटो शेअर करताना लिहिलेले कॅप्शन सगळ्यात जास्त लक्ष वेधून घेत आहे.
View this post on Instagram
सलमानच्या पोस्टवर चाहत्यांच्या भरभरून कमेंट्स
सलमानने चाहत्यांना, “तुमची तब्येत कशी आहे?” असा प्रश्न विचारला. त्याच्या या पोस्टनंतर चाहत्यांनीही कमेंट्सच्या माध्यमातून त्याच्या प्रकृतीची विचारपूस करत, “सर, तुम्ही ठीक आहात ना?” सलमान खानच्या या पोस्टवर चाहत्यांनी भरभरून प्रेम व्यक्त केले. एका चाहत्याने, “Love you, Bhai,” अशी कमेंट केली. तर दुसऱ्याने, “आम्ही सगळे ठीक आहोत; तुम्ही कसे आहात?” असा प्रश्न विचारत त्याच्या प्रकृतीची विचारपूस केली. आणखी एका चाहत्याने, “जर तुम्ही ठीक असाल, तर आम्ही सगळे ठीक आहोत,” अशी भावनिक प्रतिक्रिया दिली.
