पोईसर जिमखाना येथे राष्ट्रीय क्रीडा दिनानिमित्त एका विशेष सोहळ्याचे आयोजन करण्यात आले होते. क्रीडा क्षेत्रातील गुणवत्तेला प्रोत्साहन देणे आणि युवकांनी शिक्षणासोबतच खेळामध्येही सक्रिय सहभाग घ्यावा, या मुख्य उद्देशाने हा कार्यक्रम पार पडला. या प्रसंगी विविध क्रीडा प्रकारांत उल्लेखनीय कामगिरी करणाऱ्या अनेक प्रतिभावान युवा खेळाडूंचा विशेष सत्कार करण्यात आला.

“शिक्षण आणि खेळ हे दोन्ही हातात हात घालून पुढे गेले पाहिजेत”

कार्यक्रमाला संबोधित करताना जनसेवक तथा माजी खासदार गोपाल शेट्टी यांनी मुलांच्या क्रीडा प्रवासात पालकांच्या पाठबळाचे महत्त्व अधोरेखित केलं.तसेच गोपाल शेट्टी यांनी खेळाडूंच्या जडणघडणीत पालकांच्या भूमिकेचेही महत्त्व अधोरेखित केलं. “शिक्षण आणि खेळ हे दोन्ही हातात हात घालून पुढे गेले पाहिजेत. पालकांनी मुलांच्या शिक्षणाबरोबरच त्यांच्या क्रीडा सहभागालाही प्रोत्साहन दिले पाहिजे, कारण खेळामुळे मुलांचा सर्वांगीण विकास आणि व्यक्तिमत्त्व विकास घडतो.” कारण खेळामुळे मुलांचा व्यक्तिमत्त्व विकास आणि सर्वांगीण प्रगती घडते.” तसेच युवा खेळाडूंना सतत मेहनत करण्याचे, मोठे ध्येय ठेवण्याचे आणि आपल्या कामगिरीने महाराष्ट्रासह संपूर्ण देशाचे नाव उज्ज्वल करण्याचे आवाहन त्यांनी केलं.

जीवनातील आव्हानांना सामोरे जाण्यासाठी खेळांचे महत्त्व असते

उत्तर मुंबई जिल्हा क्रीडा अधिकारी सुश्री सायली जाधव यांनी व्यक्तिमत्त्व घडविण्यात आणि जीवनातील आव्हानांना सामोरे जाण्यासाठी खेळांचे महत्त्व अधोरेखित केले. नियमित क्रीडा सहभागामुळे बांधिलकी, एकाग्रता आणि समर्पण हे तीन महत्त्वाचे गुण विकसित होतात आणि हे गुण केवळ क्रीडा क्षेत्रातच नव्हे, तर जीवनाच्या प्रत्येक क्षेत्रात यश मिळवण्यास उपयुक्त ठरतात, असे त्यांनी सांगितले.

युवा खेळाडूंचा विशेष सत्कार

कार्यक्रमाचे विशेष आकर्षण म्हणजे सुनील वालावलकर लिखित ‘बदलते क्रीडा जगत’ या पुस्तकाचे प्रकाशन. यावेळी श्री. वालावलकर यांनी नवोदित खेळाडूंना प्रोत्साहन व पाठबळ देण्यासाठी पोईसर जिमखाना आणि गोपाल शेट्टी यांच्या प्रयत्नातून उभारण्यात आलेल्या दर्जेदार क्रीडा सुविधा व पायाभूत व्यवस्थेचे कौतुक केले. कार्यक्रमात विविध क्रीडा प्रकारांमध्ये उल्लेखनीय यश संपादन करणाऱ्या युवा खेळाडूंचा विशेष सत्कार करण्यात आला.

या प्रसंगी ज्येष्ठ पत्रकार व संपादक पद्मभूषण देशपांडे, पोईसर जिमखानाचे अध्यक्ष मुकेश भंडारी, उपाध्यक्ष करुणाकर एस. शेट्टी यांच्यासह विविध मान्यवर, पदाधिकारी, खेळाडू, प्रशिक्षक, पालक आणि जिमखानाचे सदस्य मोठ्या संख्येने उपस्थित होते. युवा खेळाडूंचे अभिनंदन करताना गोपाल शेट्टी यांनी त्यांना सातत्याने मेहनत करण्याचे, मोठे ध्येय ठेवण्याचे आणि आपल्या कामगिरीने महाराष्ट्रासह देशाचे नाव उज्ज्वल करण्याचे आवाहन केले.

राष्ट्रीय क्रीडा दिनाचा हा सोहळा क्रीडा संस्कृतीला प्रोत्साहन देणे, युवा प्रतिभेला घडविणे आणि भावी पिढीतील खेळाडूंना अधिकाधिक संधी उपलब्ध करून देण्याच्या पोईसर जिमखानाच्या वचनबद्धतेचे प्रतीक ठरला.