अन्न व औषध प्रशासन विभागाचे आयुक्त म्हणून तुकाराम मुंढे यांनी सध्या कारवाईचा धडका लावला आहे. दररोज FDA कडून धाडसत्र सुरु आहे. त्यामुळे अनेक मोठमोठी हॉटेल्स, उपहारगृह आणि रेस्टॉरंट मालकांचे धाबे दणाणले आहेत. FDA ने थेट मुंबईतील प्रसिद्ध डॉमिनोज पिझ्झाच्या आऊटलेटवर धाड टाकत तीन आस्थापनांवर मोठी कारवाई केली आहे. या तिनही आऊटलेटचे परवाने निलंबित केले आहेत.

मुंबईतील प्रसिद्ध डॉमिनोज पिझ्झाच्या आऊटलेट थेट बंद 

विलेपार्ले पश्चिम, बोरिवली पश्चिम आणि घाटकोपर पश्चिम येथील डॉमिनोज पिझ्झाच्या आऊटलेटचे अन्न व्यवसाय परवाने निलंबित करण्यात आले आहे डॉमिनोज पिझ्झाच्या आऊटलेटवर धाड टाकल्यानंतर तिथे तपासणीमध्ये अन्न सुरक्षा आणि स्वच्छता मानकांचं उल्लंघन होत असल्याचं आढळून आलं. ही कारवाई राज्यभरात अन्न व औषध प्रशासन विभागाकडून सुरु असलेल्या कारवाईचा भाग आहे. त्याशिवाय मलकापूर आणि सातारा जिल्ह्यातील डॉमिनोज आउटलेटसचे परवाने निलंबित करण्यात आलेत. ज्यूबिलंट फूडवर्क्स अंतर्गत हे आउटलेट्स सुरु होते.

मुंबईतील डोमिनोजच्या आऊटलेमध्ये FDAच्या आदेशानुसार, या तीनही आस्थापनांमध्ये अन्न सुरक्षा व मानके अधिनियम, २०११ मधील परिशिष्ट-४ मधील तरतुदींचे उल्लंघन आढळून आले. त्यामुळे संबंधित आस्थापनांवर परवाना निलंबनाची कारवाई करण्यात आली.

का बंद करण्यात आले हे तीन आऊटलेट?

विलेपार्ले आऊटलेटमध्ये स्वच्छता व साठवणुकीबाबत त्रुटी

विलेपार्ले पश्चिमेतील एस. व्ही. रोडवरील डॉमिनोज पिझ्झाच्या आऊटलेटच्या तपासणीत FSSAI Licenseचे प्रदर्शन, पिण्याच्या पाण्याची तपासणी, अन्न साठवणूक, कीटक नियंत्रण आणि स्वच्छता सुविधा याबाबत त्रुटी आढळल्या.फ्रोजन फूड तसेच इतर अन्नपदार्थ योग्य तापमानावर साठवणे आणि त्याचे नियमित तापमान निरीक्षण करण्याचे निर्देश देण्यात आले आहेत. तसेच अन्न तयार करण्याचे क्षेत्रामध्ये स्वच्छता राखणे आणि Food व Non-Food वस्तूंचे योग्य विलगीकरण करण्याच्या सूचना देण्यात आल्या आहेत.

तसेच किचनमधील दरवाजा, फरशी आणि शीतकरण कक्ष(Chilling Room) मध्ये आवश्यक दुरुस्ती करून उंदरांचा आणि किटकांचा प्रवेश रोखण्यासाठी प्रभावी उपाययोजना करण्याचेही निर्देश देण्यात आले आहेत.

बोरिवली आऊटलेटमध्ये 54 टक्के नियमपालन न करणे

बोरिवली पश्चिमेतील आय.सी. कॉलनी परिसरातील डॉमिनोज पिझ्झाच्या आऊटलेटच्या तपासणीत Schedule-4च्या तरतुदींचे उल्लंघन आढळून आले असून एकूण 54 टक्के गुणांसह Non-Compliance म्हणजे नियमांचे उल्लंघन आढळून आलं.

अन्न साठवणूक, अन्न साठवणूक, कीटक नियंत्रण आणि स्वच्छता सुविधा यामध्ये आवश्यक सुधारणा करण्याची गरज असल्याचे नमूद करण्यात आले आहे. कच्चे व बिगर-अन्न पदार्थ स्वतंत्रपणे ठेवणे तसेच कच्चे आणि शिजवलेले, शाकाहारी आणि मांसाहारी अन्न यांचे योग्य विलगीकरण करण्याचे निर्देश देण्यात आले आहेत.

तसेच उपकरणे व भांडी योग्य पद्धतीने स्वच्छ व निर्जंतुक करणे आणि Pizza व Food Preparation Area मधील तेलकटपणा व अन्नाचे अवशेष तातडीने साफ करण्याच्या सूचना देण्यात आल्या आहेत.

R-City Mallमधील आऊटलेटमध्ये नियमांचे उल्लंघन 

घाटकोपर पश्चिमेतील R-City Mall मधील डॉमिनोज पिझ्झाच्या आऊटलेटचा अन्न व्यवसाय परवानाही निलंबित करण्यात आला आहे. या ठिकाणी स्वच्छतेची योग्य व्यवस्था नसणे तसेच स्वच्छता आणि निर्जंतुकीकरण वेळापत्रक उपलब्ध नसल्याचे नमूद करण्यात आले. तपासणीदरम्यान कीटकांचा प्रादुर्भाव आढळून आल्याचे तसेच प्रभावी कीटक नियंत्रण उपाययोजना आणि त्यासंबंधी नोंदी उपलब्ध नसल्याचे आदेशात नमूद आहे. अन्न साठवणुकीत FIFO/FEFO पद्धतीचे पालन आणि योग्य तापमान नियंत्रण नसल्याचेही निदर्शनास आले.तसेच ग्राहकांच्या तक्रारींचे प्रभावी निवारण करण्यासाठी आवश्यक व्यवस्था नसल्याचे निदर्शनास आले.

FDAच्या कारवाईमुळे मुंबईतील या तीन डॉमिनोजच्या आऊटलेटचा अन्न सुरक्षा आणि स्वच्छता व्यवस्थेवर गंभीर प्रश्न उपस्थित झाले असून, संबंधित त्रुटींची पूर्तता करून नियमांचे पालन करणे आवश्यक ठरणार आहे.