मुंबई महापालिकेतून खळबळजनक बातमी समोर आली आहे. उद्धव ठाकरेंच्या शिवसेनेला मोठा धक्का बसला आहे. शिवसेना उद्धव बाळासाहेब ठाकरे पक्षाच्या नगरसेविका विशाखा राऊत यांचे जात प्रमाणपत्र पद रद्द करण्यात आल्याचं म्हटलं जात आहे. जिल्हा जात प्रमाणपत्र समितीने हा निर्णय घेण्यात आला आहे. आता विशाखा राऊत कोर्टात अपील करणार असल्याची माहिती समोर आली आहे. विशाखा राऊत या वॉर्ड क्रमांक 191 च्या नगरसेविका आहेत.

उद्धव ठाकरे यांच्या शिवसेना गटाला मोठा धक्का

नगरसेविका विशाखा राऊत यांचे जात प्रमाणपत्र पद रद्द करण्याचा निर्णय हा उद्धव ठाककेंना मोठा धक्का मानला जात आहे. मात्र, या निर्णयाचा विषय अद्याप महापालिका सभागृहासमोर आलेला नाही. त्यामुळे राऊत यांचे नगरसेवक पद रद्द करण्याबाबतचा अंतिम निर्णय घेण्यात येईल. हा विषय सभागृहात मांडल्यानंतर त्यावर चर्चा होऊन पुढील निर्णय घेतला जाण्याची शक्यता आहे.

विशाखा राऊत यांचा शिंदे सेनेवर आरोप

जात प्रमाणपत्र रद्द झाल्यानंतर विशाखा राऊत यांनी त्यावर प्रतिक्रियाही दिली आहे. त्या म्हणाल्या आहेत की, “माझ्यावर दबाव नव्हता, त्या समितीवर दबाव होता. माझे पेपर व्यवस्थित आहेत, माझे आजोबा पालघरचे होते, म्हणून तिकडून मी सर्टिफिटेक काढले. त्यांच्यावर वेगळा दबाव होता, दबावातून हे सर्व झाले. मी 1911 आणि 1937 चा पुरावा दिला, मोडी लिपीचा पुरावा दिला. आजोबा पणजोबाचे पुरावे दिले असताना सर्टिफिटेक रद्द केले. भाजपकडून दबाव नाही, शिंदेसेनेकडून दबाव आहे. मी कायदेशीर लढाई लढणार. सदा सरवणकर एक महिना आगोदर सांगून गेले, माझी मुलगी नगरसेवक होणार म्हणून. त्यांना स्वप्न पडले होते का? शिंदे यांनी स्क्रूटीनी समितीवर दबाव टाकला तसा दबाव मुंबई महापालिका मध्ये टाकतील” असं म्हणत त्यांनी राऊत यांनी आरोप केला आहे.

बुशरा नदीम मलिक यांचेही नगरसेवक पद रद्द

याआधी राष्ट्रवादीलाही याबाबत मोठा धक्का बसला होता. मुंबई महापालिकेत प्रभाग क्रमांक 170 मधील नगरसेविका बुशरा नदीम मलिक यांचं नगरसेवक पद रद्द करण्यात आलं होतं. बुशरा या नवाब मलिक यांची पुतणी असून कप्तान मलिक यांची मुलगी आहे. बुशरा यांचेही नगरसेवक पद जात पडताळणी समितीने रद्द केले होते. हा राष्ट्रवादीला मोठा धक्का होता. त्यानंतर आता शिवसेनेच्या नगरसेविका विशाखा राऊत यांचे जात प्रमाणपत्र पद रद्द झाल्याने ठाकरे गटालाही मोठा धक्का बसला आहे.

रोशन शेख यांचेही पद रद्द

बृहन्मुंबई महानगरपालिकेने गोवंडी येथील प्रभाग क्रमांक 138 मधून निवडून आलेल्या AIMIMच्या नगरसेविका रोशन शेख यांची सदस्यता रद्द केली होती. जात पडताळणी समितीने त्यांचे ओबीसी जात प्रमाणपत्र अवैध ठरवल्यानंतर ही कारवाई करण्यात आली होती. महापालिकेने जारी केलेल्या अधिसूचनेनुसार, परभणी जिल्हा जात प्रमाणपत्र पडताळणी समितीने 27 एप्रिल 2026 रोजी रोशन शेख यांचे ओबीसी प्रमाणपत्र अवैध ठरवले. हे प्रमाणपत्र नोव्हेंबर 2025 मध्ये जारी करण्यात आले होते.