अमोल भालेराव
नीट पेपर लीकमुळे देशभरातली विद्यार्थ्यांनी दिल्लीच्या जंतर मंतर मैदानात देशव्यापी आंदोलन सुरु केलं आहे. या हे आंदोलन आता फक्त दिल्लीपर्यंत मर्यादित न राहता त्याचे पडसाद देशभर पसरले आहेत. गेल्या अनेक दिवसांपासून कॉकरोज जनता पार्टीने सरकार विरोधात आंदोलनाचा पवित्रा घेतला आहे. नीट पेपर लीकच्या विरोधात देशभरातील विद्यार्थी एकवटले आहेत. राजकीय मंडळी, काही सेलिब्रिटी देखील सोशल मीडियावर व्यक्त होताना दिसत आहेत. अशातच आता सचिन तेंडुलकरे एक्सवर एक खास पोस्ट शेअर करत याबाबत त्याचं मत मांडलं आहे.
विद्यार्थ्यांच्या आंदोलनाबाबत सचिन तेंडुलकरचे ट्वीट
सचिनने ट्वीट करत म्हटलंय, “विद्यार्थ्यांच्या अडचणी समजून घेतल्या पाहिजेत. अशी परिस्थिती निर्माण केली पाहिजे, तिथे मेरिटचा विजय होवो”. पुढे तो म्हणाला की, “माझे वडील देखील एक प्रोफेसर होते.ते अनेक तरुण विद्यार्थ्यांसाठी एक मार्गदर्शक आणि सल्लादार होते.त्यांनी मला सुरुवातीपासूनच एक गोष्ट शिकवली होती, अपयश ठीक आहे, पण चीटिंग करणं नाही. कधीही शॉर्टकट स्वीकारू नको. समाजात मोठं असल्याने आपली जबाबदारी आहे की, संस्कृतीला योग्य दिशा द्या.जो समाज मेहनती शिवाय निकालांना जास्त महत्व देतो, तो क्षमेतेपेक्षा शॉर्टकटला निवडतो”.
‘जेव्हा विद्यार्थी नैराश्यात आहेत….’
सचिनने पुढे म्हटलं, “आज, जेव्हा विद्यार्थी नैराश्यात आहेत, कारण त्यांच्या कठोर मेहनतीचा त्यांना फळ मिळालं नाही, तर त्यांची नाराजी समजली जाऊ शकते. आपण सर्वांनी मिळून हे निश्चित केलं पाहिजे की,त्यांच्यापुढे पुन्हा अशी स्थिती निर्माण न होवो. तरुण भारत स्वप्न आणि उर्जेने भरलेला आहे. तो आमच्या यशाचा आधार आहे.”
— Sachin Tendulkar (@sachin_rt) July 23, 2026
सचिन तेंडुलकरने मांडली रोख-ठोक भूमिका
एवढंच नाही तर तो पुढे म्हणाला की, “एक समाज म्हणून, आई-वडील, शिक्षक, मित्र, नातेवाईक, शाळा आणि एडमिनिस्ट्रेटर आपल्या सर्वांची एक मोठी जबाबदारी आहे. वेगवेगळ्या भूमिका आहेत. जेणेकरून आपले तरुण नेहमीच उत्साहित आणि उर्जावान राहतील. आपल्याला अशी परिस्थिती निर्माण करावी लागेल, जिथे कठोर मेहनतीला प्राधान्य दिलं जाईल. प्रामाणिकपणाला महत्त्व मिळेल आणि क्षमतेचा विजय होईल. मला विश्वास आहे की, आपण सर्व मिळून असा पर्याय काढू,जो आपल्या मुलांच्या भविष्याला मजबूत करेल आणि त्यांच्या अपेक्षांना सुरक्षीत ठेवेल. जय हिंद”. अशी भूमिका मांडत त्याने विद्यार्थ्यांच्या भावना समजून घेण्याचं आवाहन करत त्यांच्या या आंदोलनाला एक प्रकारे पाठिंबा दर्शवला आहे.
