अमोल भालेराव
नवी दिल्लीतील जंतर-मंतर येथे कॉकरोच जनता पार्टीच्या ‘चलो संसद’ आंदोलनादरम्यान एका पोलीस अधिकाऱ्याने एका महिला आंदोलकाच्या कानशि‍लात लगावली होती. तो व्हिडीओ देखील व्हायरल झाला होता. या घटनेची दखल घेण्यात आली असून त्या पोलीस अधिकाऱ्याला कर्तव्यावरून हटवण्यात आले आहे. अतिरिक्त डीसीपी संदीप लांबा यांना सुरक्षेच्या आणि जंतर-मंतरवरील कर्तव्यावरून हटवण्यात आले आहे. या प्रकरणाचा व्हिडिओ सोशल मीडियावर व्हायरल झाल्यानंतर दिल्ली उच्च न्यायालयाने या घटनेची गंभीर दखल घेतली आहे. हायकोर्टाच्या फटकारानंतर कारवाई करण्यात आली आहे.
पोलीस अधिकाऱ्याबाबत कारवाई
दिल्लीतील जंतर-मंतर येथे नीट पेपर लीकविरोधात आणि शिक्षण मंत्री धर्मेंद्र प्रधान यांच्या राजीनाम्यासाठी ‘कॉकरोच जनता पार्टी’च्या आंदोलनादरम्यान एका महिला आंदोलकाच्या कानशि‍लात मारणारे दिल्ली पोलिसांचे अतिरिक्त पोलीस उपायुक्त संदीप लांबा यांची जंतर-मंतर आंदोलन स्थळाच्या बंदोबस्तावरून तडकाफडकी उचलबांगडी करण्यात आली आहे.
युनिफॉर्ममधील अशा गुंडांची नावे घेण्यास आपण घाबरता कामा नये
हा व्हिडीओ व्हायरल झाल्यानंतर दिल्ली उच्च न्यायालयात सरन्यायाधीश डी. के. उपाध्याय आणि न्यायमूर्ती तेजस कारिया यांच्या खंडपीठासमोर या प्रकरणाची सुनावणी झाली. याचिकाकर्त्यांच्या वतीने उपस्थित राहिलेले ज्येष्ठ वकील गोपाळ शंकरनारायणन यांनी न्यायालयात व्हिडिओचा दाखला देत म्हटलं “अतिरिक्त डीसीपी संदीप लांबा काहीही न करणाऱ्या आणि शांत उभ्या असलेल्या एका महिलेला थप्पड मारताना दिसत आहेत. युनिफॉर्ममधील अशा गुंडांची नावे घेण्यास आपण घाबरता कामा नये. त्यांना न्यायालयात बोलावून या घटनेबाबत त्यांची चांगलीच कानउघडणी करण्यात आली.दरम्यान गर्दी पांगवण्यासाठी प्रथमतः वापरल्या जाणाऱ्या पाण्याचा फवाऱ्यांचा वापर न करता थेट अश्रूधुराच्या नळकांड्या आंदोलकांच्या दिशेने फेकण्यात आल्याचा आरोपही न्यायालयात करण्यात आला.
Sandeep Lamba, Additional DCP of Delhi Police, slapped a girl in the face on camera.
How can a male police officer even touch a female protestor, let alone slapping her?
I hope someone sue this arrogant prick. #CJPProtests pic.twitter.com/ttkgBicfZR
— Jaswinder kaur (@TheReal_Jassi) July 21, 2026
पोलिसांत अधिकृत तक्रार दाखल
तृणमूल काँग्रेसचे माजी खासदार साकेत गोखले यांनी आज गुरुवारी संदीप लांबा यांच्याविरोधात पोलिसांत अधिकृत तक्रार दाखल केली आहे. “काल दिल्ली उच्च न्यायालयात सरकारने उत्तर दिले की पोलिसांच्या मारहाणीप्रकरणी कोणीही तक्रार दिलेली नाही. त्यामुळे आज मी स्वतः पोलीस ठाण्यात जाऊन संदीप लांबा यांच्याविरोधात तक्रार दाखल केली आहे,” असं म्हणत त्यांनी भूमिका मांडली तसेच त्यांनी ‘X’ वर याबबात पोस्टही शेअर केली आहे.
I have filed a complaint with the SHO, Parliament Street Police Station,
for registration of an FIR against Additional DCP Sandeep Lamba who
assaulted a woman protestor at Jantar Mantar on 20 July 2026.Yesterday, in the Delhi High Court, the Government’s answer to the
petitions… pic.twitter.com/ucDjl1dorP— Saket Gokhale (@SaketGokhale) July 23, 2026
न्यायालयाची केंद्र आणि पोलिसांना नोटीस
उच्च न्यायालयाने या घटनेची अत्यंत गंभीर दखल घेत दिल्ली पोलीस, केंद्र सरकार आणि राष्ट्रीय मानवाधिकार आयोगाला नोटीस बजावली असून 4 आठवड्यांत उत्तर मागितले आहे. तसेच, या आंदोलनाचे सर्व सीसीटीव्ही फुटेज आणि व्हिडिऑग्राफी सुरक्षित जतन करण्याचे आदेश दिले आहेत.
