महाराष्ट्राचे मुख्यमंत्री देवेंद्र फडणवीस यांच्या वाढदिवसानिमित्त दरवर्षी राज्यभर रक्तदान शिबिरांचे आयोजन करण्यात येते.भाजपाचे सर्वच कार्यकर्ते, पदाधिकारी त्यांच्या पद्धतीने हे रक्तदान शिबिराचे आयोजन करून समाजहितासाठी हातभार लावण्याचा प्रयत्न करतात.त्याच अनुषंगाने २२ जुलै रोजी देवेंद्र फडणवीस यांच्या वाढदिवसानिमित्त भारतीय जनता पार्टी बोरिवली-पश्चिम मंडळातर्फे रक्तदान शिबिर आयोजीत करण्यात आलं होतं.

देवेंद्र फडणवीस यांच्या वाढदिवसानिमित्त बोरिवलीत ‘सेवामय उपक्रम’

भारतीय जनता पार्टी बोरिवली-पश्चिम मंडळातर्फे लोकमान्य टिळक जयंतीच्या पूर्वसंध्येला आणि मुख्यमंत्री देवेंद्र फडणवीस यांच्या वाढदिवसानिमित्त कस्तुरपार्क बोरिवली पश्चिम येथील प्रार्थना सभागृहात येथे रक्तदान शिबिर आयोजित करण्यात आले होते. उत्तर मुंबईचे लोकसेवक तथा माजी खासदार गोपाल शेट्टी यांनी देखील या उपक्रमात सहभाग नोंदवला. एवढंच नाही तर त्यांनी सर्व रक्तदात्यांना प्रमाणपत्रे देऊन शुभेच्छाही दिल्या. यावेळी बोरिवली विधानसभा आमदार संजय उपाध्याय हेही उपस्थित होते.

माजी खासदार गोपाल शेट्टी यांच्या हस्ते रक्तदात्यांचा सन्मान 

दरम्यान फक्त याच वर्षी नाही तर देवेंद्र फडणवीसांच्या वाढदिवसानिमित्त माजी खासदार गोपाल शेट्टी यांच्या प्रेरणेने व मार्गदर्शनाखाली बोरिवली,दहिसर, कांदिवली व मलबार तसेच उत्तर मुंबई परिसरात अनेकदा भव्य रक्तदान शिबिरे पार पडली आहेत.फक्त वाढदिवसच नाही तर, बऱ्याचदा गोपाल शेट्टी यांनी त्यांच्या मतदारसंघात समाजहितासाठी व रक्तदानाची कमतरता भरून काढण्यासाठी सातत्याने मोठ्या प्रमाणावर रक्तदान मोहिमा आणि शिबिरांचे आयोजन केले आहे. अशा उपक्रमांच्या माध्यमातून त्यांनी कायमच समाजसेवेचा व मानवकल्याणचा संदेश दिला आहे.

समाजसेवेचा व मानवकल्याणचा संदेश 

तसेच या उपक्रमात मोठ्या संख्येने नागरिकांनी सहभाग घेत या संदेशाच पालन केलं आहे. मुख्यमंत्र्यांचा वाढदिवस सेवामय उपक्रमांनी साजरा करत ‘सेवा यज्ञ महारक्तदान संकल्पाने’ राबवण्यात आला.उत्तर मुंबईसह राज्यभरात विविध ठिकाणी आयोजित शिबिरांमध्ये रक्तदात्यांचा मोठा प्रतिसाद पाहायला मिळाला.