पुणे जिल्ह्यातील भोर तालुक्यातील नसरापूर येथे साडेतीन वर्षांच्या चिमुकलीवर अत्याचार करून तिची हत्या केल्याच्या त्या धक्कादायक घटनेचा आजही कोणाला विसर पडलेला नाही. नसरापूरच्या प्रकरणात आरोपी भीमराव कांबळे याला न्यायालयाने फाशीची शिक्षा सुनावली असली तरी ती घटना आठवली की सर्वांचाच संताप अनावर होतो. अशाच घटनेची पुनरावृत्ती होताना दिसली पिंपरी-चिंचवडमधील वाकडमध्ये.

दोन सख्या बहिणींवर वारंवार लैंगिक अत्याचार

पिंपरी-चिंचवडमधील वाकडमध्ये एका  वर्षाच्या नराधमाने दोन सख्या बहिणींवर अत्याचार केल्याची घटना समोर येत आहे. शेजारी राहणाऱ्या ६० वर्षाच्या नराधमाने दोन सख्या बहिणींवर वारंवार लैंगिक अत्याचार केल्याची आल्याची धक्कादायक माहिती समोर येत आहे. या दोन सख्या बहिणींचं वय मिळालेल्या माहितीनुसार, १० आणि ५ वर्ष आहे. घडलेल्या घटनेमुळे परिसरात संतापाची लाट उसळली आहे.

या प्रकरणात पीडित मुलींच्या कुटुंबीयांनी आणि संतप्त नागरिकांनी नराधमाविरोधात गुन्हा दाखल करण्यासाठी सोमवारी रात्री वाकड पोलीस स्टेशनमध्ये मोठी गर्दी केली होती. त्यानंतर वाकड पोलिसांनी नराधमाला ताब्यात घेऊन त्यांच्या विरोधात बाल लैंगिक अत्याचार प्रतिबंधक कायद्यानुसार गुन्हा दाखल केला आहे.

घटना कशी समोर आली?

या मुलींच्या कुटुंबाच्या शेजारी राहत असलेला हा नराधम बायको आणि मुलासोबत राहत असल्याची माहिती समोर येत आहे. पीडितेचे आई – वडील, आजी -आजोबा असे सगळेच कामासाठी बाहेर केले… तर नराधमाची बायको आणि मुलगा देखील मजुरीसाठी घराबाहेर पडले. तेव्हा 10 वर्षांची मुलगी कपडे धुण्यासाठी घराबाहेर आली, तेव्हा आजूबाजूला कोणी आहे की नाही पाहताच, नराधमाने पीडितेचे तोंड दाबून तिला स्वतःच्या घरी घेऊन गेला.तोच प्रकार त्याने ५ वर्षांच्या चिमुकलीसोबतही केला. घडत असलेला हा सर्व प्रकार शेजारी राहणाऱ्या महिलेने पाहिला आणि पीडितेच्या आईला सांगितल्याचं म्हटलं जातं तसेच मुलींच्या पोटांत दुखत असल्याने पीडितेला विचारल्यानंतर धक्कादायक सत्य समोर आलं.

पीडित मुलीच्या घरच्यांची आणि नागरिकांची वाकड पोलीस ठाण्यात मोठी गर्दी 

नराधमाने पहिल्यांदाच असं कृत्य केलं नव्हतं. याआधी मे महिन्यात पहिल्यांदा त्यानंतर तीन वेळा.. असं चार वेळा नराधमाने 10 वर्षीय मुलीवर तोंड दाबून अत्याचार केले. एवंढच नाही तर, कुटुंबियांना तेव्हा मोठा धक्का बसला जेव्हा पीडितेने सांगितलं की, पाच वर्षीय बहिणीवर देखील नराधमाने तोंड दाबून अत्याचार केले.याबाबत पोलिसांत गुन्हा नोंदवण्यासाठी पीडित मुलीच्या घरच्यांनी आणि नागरिकांनी वाकड पोलीस ठाण्यात मोठी गर्दी केली होती.

दरम्यान पोलिसांनी या नराधमाला ताब्यात घेऊन त्याच्या विरोधात बाल लैंगिक अत्याचार प्रतिबंधक कायद्यानुसार गुन्हा दाखल करण्यात आला आहे.