बॉलिवूड अभिनेता राजपाल यादव यांचे चेक बाऊन्स प्रकरण अद्याप सुटलेले नाही.या प्रकरणामुळे राजपालच्या अडचणी पुन्हा एकदा वाढत असल्याचं दिसत आहे.मिळालेल्या माहितीनुसार, उत्तर प्रदेशातील शाहजहानपूर इथल्या त्याच्या दोन मालमत्तांचा लिलाव येत्या 9 सप्टेंबर रोजी होणार आहे. सेंट्रल बँक ऑफ इंडिया, मुंबईने शहरातील आणि गावातील या दोन मालमत्तांच्या लिलावासंदर्भात सूचना प्रसिद्ध केल्या आहेत.राजपाल यादववर सेंट्रल बँक ऑफ इंडिया, मुंबईचे 16.61 कोटी रुपये थकीत आहेत. तर राजपालच्या दोन मालमत्तांचं मूल्य अंदाजे 19.26 कोटी रुपये आहे.

चित्रपट बनवण्यासाठी बँकेकडून हे कर्ज घेतले

राजपाल यादवने ‘आता पता लपता’ हा चित्रपट बनवण्यासाठी बँकेकडून हे कर्ज घेतले होते. कर्जाची परतफेड न केल्यामुळे बँकेने गहाण ठेवलेल्या मालमत्तेचा ताबा घेतला असून लिलाव प्रक्रिया सुरू केली आहे. बँकेच्या नोंदीनुसार,राजपाल यादवच्या शहाजहानपूरमध्ये दोन मालमत्ता आहेत. एक शहरात आणि दुसरी गावात असून, त्यात शेतजमीन आणि एका घराचा समावेश आहे. या दोन्ही प्रॉपर्टींचा लिलाव ९ सप्टेंबर रोजी ऑनलाइन होणार असल्याची माहिती मिळतेय.

कर्जासाठी जामीनदार म्हणून पत्नी आणि आईच्या नावावर मालमत्ता गहाण

राजपालने कर्जासाठी जामीनदार म्हणून पत्नी राधा यादव आणि त्याची आई गोदावरी यादव यांच्या मालमत्ता गहाण ठेवल्या होत्या. याच्या आधारावर बँकेनं त्या मालमत्तांवर कारवाई सुरू केली आहे. शहाजहानपूर व्यतिरिक्त मुंबईतील त्याच्या इतर मालमत्तांचा लिलाव करण्याची प्रक्रियाही सुरू आहे. राजपाल यादवविरोधात चेक बाऊन्सचा खटला दाखल करणाऱ्या कंपनीचा मालकसुद्धा शाहजहानपूर इथलाच आहे. शहाजहानपूर व्यतिरिक्त मुंबईतील त्यांच्या इतर मालमत्तांचा लिलाव करण्याची प्रक्रियाही सुरू झाली आहे.

राजपालच्या दोन मालमत्तांचं मूल्य अंदाजे 19.26 कोटी रुपये

राजपाल यादव यांच्या विरोधात चेक बाऊन्सचा खटला दाखल करणाऱ्या कंपनीचा मालक देखील शाहजहानपूरचाच आहे. या घटनेनंतर, हा अभिनेता केवळ कायदेशीरच नव्हे, तर आर्थिक अडचणींचाही सामना करत असल्याचे दिसते. राजपाल यादव यांच्या मालमत्तेवर लिलावाची नोटीस लावल्यापासून चर्चा अधिक तीव्र झाली आहे. बँकेच्या अधिकाऱ्यांच्या मते, कर्ज वसूल करण्यासाठी नियमांनुसार ही कारवाई केली जात आहे.