एकनाथ शिंदेंच्या एस्कॉर्टमधील एका पोलीस अधिकाऱ्याचे निधन झाल्याची बातमी समोर आली आहे. ५७ वर्षे पोलीस उपनिरीक्षक विजय सांगडे असं त्यांचं नाव असून ड्युटीवर असताना अचानक त्यांच्या छातीत दुखू लागलं अन् क्षणात सगळं संपलं.

छातीत दुखायला लागलं अन् चक्कर आली

PSI विजय सांगडे यांच्या निधनामुळे सध्या दु:खाचे वातावरण आहे. ५७ वर्षे पोलीस उपनिरीक्षक विजय सांगडे नेहमी प्रमाणे ड्युटीवर आले पण तो दिवस त्यांचा शेवटचा दिवस ठरला. ठाण्याच्या शासकीय विश्रामगृहात सकाळी ते ड्युटीवर आले. त्यानंतर त्यांच्या छातीत दुखायला लागलं आणि त्यांना चक्कर आली. त्यानंतर त्यांना तत्काळ रुग्णालयात दाखल करण्यात आलं. पण डॉक्टरांनी उपचार सुरु करण्याच्या पुढच्या क्षणीच पोलीस उपनिरीक्षक विजय सांगडे यांना मृत घोषित केलं. गेल्यातीन वर्षांपासून सांगडे हे एकनाथ शिंदेंच्या एस्कॉर्ट पथकात होते.

पोलीस दलातही हळहळ व्यक्त

सांगडे यांच्या अचानक निधनानंतर त्यांच्या कुटुंबियांवर दु:खाचं डोंगर कोसळलंय. तर सांगडे यांच्या अचानक जाण्याने महाराष्ट्रातील पोलीस दलातही हळहळ व्यक्त करण्यात येत आहे. डॉक्टराने सांगितलं की, सांगडे यांना हृदयविकाराच्या तीव्र झटक्याने निधन झाल्याचा प्राथमिक अंदाज आहे. सांगडे यांच्या निधनानंतर ठाण्यातील सिव्हील रुग्णालय परिसरातच पोलिसांकडून त्यांना मानवंदना दिली गेली.

ड्युटीवर जाताना म्हणाले दरवाजा आतून लावून घ्या, मी येतो…

पोलिसांनी सांगितलं की, सांगडे हे डोंबिवलीच्या पलावा सिटीमध्ये निवासी आहेत. तर कुटुबांनी माहिती दिली की, त्यांचं पार्थिवावर मूळ गावी अंत्यसंस्कार करण्यात येणार आहे. कुटुंबाने सांगितलं की, विजय सांगडे नेहमीप्रमाणे सकाळी घरातून ड्युटीसाठी निघाले होते. तेव्हा घरातून निघताना ते म्हणाले की, दरवाजा आतून लावून घ्या, मी येतो. आज त्यांचे हे शब्द कुटुंबियांसाठी अखेरचे ठरले आहेत. ठाण्यात ड्युटीवर पोहोचल्यावर त्यांच्या छातीत अचानक दुखायला लागले आणि त्यांना चक्कर आली. त्यानंतर त्यांना तातडीने जय आनंद या रुग्णालयात उपचारासाठी नेण्यात आले. पण डॉक्टरांनी त्यांना तपासताच मृत घोषित केले.

सांगाडे यांचा मोठा मुलगा महाराष्ट्र सिक्टुरिटी फोर्समध्ये

विजय सांगाडे यांच्या पश्चात त्यांनी पत्नी, दोन मुलं, दोन सुना आणि नातवंड आहेत. विजय सांगाडे यांचा मोठा मुलगा सागर हा महाराष्ट्र सिक्टुरिटी फोर्समध्ये कार्यरत आहे. तर लहान मुलगा शुभम हा पोलीस अकॅडमी चालवतो. अचानक कुटुंबावर कोसळलेल्या दु:खामुळे डोंबिवली आणि पोलीस दलात हळहळ व्यक्त करण्यात येत आहे. घटनेनंतर त्यांचं पार्थिक डोंबविलीमधील घरात नेल्यानंतर त्यांच्या अंतदर्शनासाठी नातेवाईक, मित्र आणि रहिवाशांनी एकच गर्दी केली होती.

दरम्यान, सागंडे त्यांच्या स्वभावाबद्दल बोलायचं झालं तर ते कर्तव्यकठोर होते असं त्यांचे सहकारी मित्र सांगतात. तर कुटुंबातील सदस्य सांगत होतो की, ते सर्वांशी हसत खेळत राहायचे. शेजारच्यांसीही त्यांचे चांगले संबंध होते, असं सांगण्यात आलंय.