१६२-मालाड पश्चिम विधानसभा मतदारसंघातील सर्व मतदार बंधू, भगिनी आणि सहकाऱ्यांसाठी एक अत्यंत महत्त्वाची आणि तातडीची माहिती समोर आली आहे. निवडणूक आयोगातर्फे तथा भारत निवडणूक आयोगाच्या मार्गदर्शक सूचनांनुसार विशेष संक्षिप्त पुनरीक्षण अंतर्गत ‘एसआयआर’ मसुदा मतदार यादी आणि तफावत अहवाल म्हणजे SIR Draft Roll and Discrepancy Report प्रसिद्ध करण्यात आली आहे. आगामी निवडणुकांच्या पार्श्वभूमीवर प्रत्येक पात्र नागरिकाचे नाव मतदार यादीत योग्य रीतीने नोंदवले गेले आहे की नाही, तसेच नावामध्ये कोणती तफावत अथवा त्रुटी आहे का, हे तपासणे अत्यंत आवश्यक आहे. त्याचीच तयारी आता सुरु आहे.

आमदार अस्लम शेख यांच्या पुढाकाराने नागरिकांसाठी खास डिजिटल ऑनलाइन सुविधा 

नागरिकांसाठी ‘एसआयआर’ मसुदा मतदार यादी प्रसिद्ध नाव आणि तफावत अहवाल ऑनलाइन तपासण्याचे आमदार अस्लम शेख यांनी आवाहन केलं आहे. तसेच या प्रक्रियेत नागरिकांना कोणताही त्रास होऊ नये आणि त्यांना एका क्लिकवर आपल्या नाव आहे की नाही किंवा काही अडचण तर येत नाहीये ना हे तपासता यावं, यासाठी मालाड पश्चिम मतदारसंघाचे आमदार अस्लम शेख यांच्या पुढाकाराने एक विशेष आणि सोपी डिजिटल ऑनलाइन सुविधा उपलब्ध करून देण्यात आली आहे. त्यासाठी त्यांनी एक वेबसाईटही दिली आहे.

या वेबसाईटवर भेट देऊन आपले पूर्ण नाव तपासा 

मतदारसंघातील नागरिक (https://aslamshaikh.mahatalent.org](https://aslamshaikh.mahatalent.org) या वेबसाईटवर भेट देऊन आपले पूर्ण नाव किंवा मतदार ओळखपत्र क्रमांक (EPIC Number) टाकून मतदार यादीतील नावाची स्थिती त्वरित तपासू शकता.तसेच नाव नसल्यास किंवा माहिती चुकीची असल्यास तातडीने दुरुस्ती अर्ज भरण्याचे आवाहन मतदारसंघातील नागरिकांना करण्यात आले आहे. त्यामुळे आता नागरिकांना आता सरकारी कार्यालयांचे खेटे न मारता घरबसल्या आपल्या मोबाईल अथवा संगणकावरून मतदार यादीतील स्वतःची स्थिती तपासता येणार आहे.

अशी तपासा तुमच्या नावाची स्थिती:

मतदारांना https://aslamshaikh.mahatalent.org या डिजिटल प्लॅटफॉर्मवर भेट द्यावी लागेल.

संकेतस्थळावर गेल्यानंतर मतदाराला आपले नाव किंवा मतदार ओळखपत्र क्रमांक (EPIC No.) टाकावा लागेल.

क्षणार्धात संबंधित मतदाराचे नाव, भाग क्रमांक, पोलिंग स्टेशन तसेच मतदार यादीतील सद्यस्थिती स्क्रीनवर दिसेल.

नावात त्रुटी असल्यास तातडीने दुरुस्ती करण्याचे आवाहन

प्रसिद्ध झालेल्या तफावत अहवालात जर नाव, पत्ता, वय किंवा इतर तपशीलात काही चूक आढळल्यास अथवा नाव गहाळ असल्यास मतदारांनी तात्काळ संबंधित अर्जाद्वारे निवडणूक विभागाकडे नोंदणी किंवा दुरुस्ती करून घ्यावी, असे आवाहन करण्यात आले आहे. लोकशाहीच्या या महत्त्वाच्या प्रक्रियेत प्रत्येक नागरिकाने आपला मतदानाचा हक्क सुरक्षित करण्यासाठी मतदार यादीत आपले नाव अचूक असल्याचे सुनिश्चित करावे, असा संदेश या आवाहनाद्वारे देण्यात आला आहे.