राष्ट्रवादी काँग्रेस पक्ष (शरदचंद्र पवार) महाडतालुका युवक अध्यक्षपदी करण चव्हाण यांची अधिकृत निवड करण्यात आली आहे. पक्षाच्या संघटनात्मक बांधणीचा एक भाग म्हणून प्रदेश पातळीवरून ही नियुक्ती राष्ट्रवादी काँग्रेस पार्टी (शरदचंद्र पवार) पक्षाद्वारे करण्यात आली आहे.

रायगड जिल्हा युवक अध्यक्ष समाधान म्हात्रे महाड दौऱ्यावर होते

सोमवार दिनांक 20 जुलै 2026 रोजी महाडच्या शासकीय विश्राम गृह येथे राष्ट्रवादी काँग्रेस पक्ष (शरदचंद्र पवार) गटाचे रायगड जिल्हा युवक अध्यक्ष समाधान म्हात्रे महाड दौऱ्यावर आले होते. यावेळी महाड तालुका अध्यक्ष संदीप सपकाळ, रायगड जिल्हा सचिव श्रीहर्ष कांबळे, माजी तालुकाध्यक्ष मुदस्सीरभाई पटेल, महाड शहराध्यक्ष पराग वडके,शहर उपाध्यक्ष कुर्बान खान, व्यापारी संघाचे अध्यक्ष सुमित अशोक वारे उपस्थित कार्यकर्त्यांनी त्यांचे स्वागत केले.

महाड तालुका युवक अध्यक्षपदी करण रवींद्र चव्हाण यांची निवड

याप्रसंगीच अधिकृतपणे राष्ट्रवादी काँग्रेस पक्ष शरदचंद्र पवार महाड तालुका युवक अध्यक्षपदी करण रवींद्र चव्हाण यांची निवड करण्यात आली. दिल्लीमध्ये चाललेल्या विद्यार्थ्यांच्या आंदोलनावर झालेल्या लाठीचार्जविषयी जिल्हा युवक अध्यक्ष समाधान मात्रे यांनी निषेध व्यक्त केला. छत्रपती शिवाजी महाराजांच्या पुतळ्याला पुष्पहार अर्पण करून, भारतरत्न डॉक्टर बाबासाहेब आंबेडकरांना अभिवादन केले. विद्यार्थ्यांच्या आंदोलनाला पाठिंबादेण्यासाठी महाडच्या तहसीलदारांना लेखी निवेदन देण्यात आलं आहे.

करण रवींद्र चव्हाण यांची निवड झाल्याने पक्षाला कसा होणार फायदा?

राष्ट्रवादी काँग्रेस पक्ष (शरदचंद्र पवार) महाड तालुका युवक अध्यक्षपदी करण चव्हाण यांची निवड झाल्यामुळे महाडमध्ये पक्षाला तरुण नेतृत्वाचे बळ मिळाले आहे. यामुळे पक्षाच्या स्थानिक धोरणांचे प्रभावीपणे डिजिटायझेशन होईल, स्थानिक युवकांचे प्रश्न जलदगतीने सुटतील, आणि महाडमधील वाढत्या बेरोजगारी, शिक्षण व क्रीडा क्षेत्रातील समस्यांना थेट राजकीय व्यासपीठ मिळेल.

तसेच करण चव्हाण यांच्या माध्यमातून महाड आणि परिसरातील तळागाळातील युवकांपर्यंत पोहोचणे पक्षासाठी सोपे होईल.पक्षाच्या वरिष्ठ नेत्यांच्या मार्गदर्शनाखाली जनसंपर्क अभियान अधिक गतिमान होईल. एवढंच नाही तर आगामी स्थानिक स्वराज्य संस्था व विधानसभा निवडणुकांच्या पार्श्वभूमीवर पक्षाची पाळेमुळे अधिक घट्ट होण्यास मदत मिळेल. असा विश्वास व्यक्त केला जात आहे.