अमोल भालेराव
रविवारी मध्य रेल्वेने रविवार दि.९ ऑगस्ट २०२६ रोजी ‘मेगा ब्लॉक’ घेण्यात आला आहे. देखभाल आणि दुरुस्तीच्या कामासाठी मुख्य मार्गावर माटुंगा- मुलुंड स्थानकाच्या दरम्यान आणि हार्बर मार्गावर तसेच छत्रपती शिवाजी महाराज टर्मिनस – सीएसएमटी, मुंबई आणि चुनाभट्टी-वांद्रे स्थानकादरम्यान मेगाब्लॉक घेण्यात आला आहे. यामुळे रविवारी लोकलने प्रवास करणाऱ्या मुंबईकरांना लोकलचा प्रवास करताना गर्दीचा सामना करावा लागू शकतो.त्यामुळे प्रवसांची डोकेदुखी वाढू शकते.
अप आणि डाऊन मार्गावर
माटुंगा–मुलुंड स्थानकादरम्यान अप आणि डाऊन धीम्या मार्गावर सकाळी ११.५ वाजल्यापासून ते दुपारी ३.५५ वाजेपर्यंत डाऊन धिम्या मार्गावर सीएसएमटी, मुंबईतून सकाळी १०.१४ वाजल्यापासून ते दुपारी ३.३२ दरम्यान धावणाऱ्या लोक‘मेगा ब्लॉक’ल फेऱ्यांना माटुंगा आणि मुलुंड दरम्यान डाऊन फास्ट मार्गिकेवर वळवण्यात येणार आहे. या लोकल सायन, कुर्ला, घाटकोपर, विक्रोळी, भांडुप तसेच मुलुंड स्थानकांवर थांबतील. त्यानंतर मुलुंडहून पुन्हा या लोकल डाऊन धिम्या मार्गावर चालवल्या जातील आणि आपल्या गंतव्य स्थानकावर १५ मिनिटांच्या उशीराने पोहचतील.
लोकल १५ ते २० मिनिटे उशीरा असतील.
अप स्लो मार्गावर ठाण्याहून सकाळी ११.७ वाजल्यापासून ते दुपारी ३.५१ वाजेपर्यंत धावणाऱ्या लोकल फेऱ्या मुलुंडहून अप फास्ट लाईनवर वळवल्या जातील. या ट्रेन मुलुंड, भांडुप, विक्रोळी, घाटकोपर, कुर्ला आणि सायन स्थानकांवर थांबतील. त्यानंतर माटुंगावरुन पुन्हा अप धिम्या मार्गावर या लोकल चालवल्या जातील तसेच १५ ते २० मिनिटे उशीरा असतील.
दरम्यान सकाळी ११.०० वाजता ते दुपारी ५.०० दरम्यान सीएसएमटीहून प्रस्थान करणाऱ्या तसेच सीएसएमटीला पोहचणाऱ्या सर्व अप आणि डाऊन लोकल आपल्या निर्धारित वेळेच्या सुमारे १५ ते २० मिनिटे उशीराने गंतव्य स्थानकावर पोहचतील.
हार्बर लाईनवर कसा असणार ‘मेगा ब्लॉक’?
सीएसएमटी–चुनाभट्टी – वांद्रे डाऊन हार्बर लाईन ११.४० वाजल्यापासून ते सायंकाळी ४.४० वाजेपर्यंत तर, चुनाभट्टी-वांद्रे–सीएसएमटी अप हार्बर लाईनवर सकाळी ११.१० वाजल्यापासून ते सायंकाळी ४.१० वाजेपर्यंत बंद असणार आहे.
सीएसएमटी, मुंबई ते वाशी-बेलापुर-पनवेलसाठी सकाळी ११.१६ वाजल्यापासून ते सायंकाळी ४.४७ वाजताच्या दरम्यान धावणाऱ्या डाऊन हार्बर लोकल तसेच वांद्रे-गोरेगावसाठी सकाळी १०.४८ वाजल्यापासून ते सायंकाळी ४.४३ वाजेपर्यंत चालणाऱ्या डाऊन हार्बर लोकल फेऱ्या रद्द असणार आहे.
