२३ सप्टेंबर २०२६ रोजी सोशल मीडिया आणि वृत्तवाहिन्यांवर प्रसिद्ध झालेल्या PTI च्या व्हिडिओ फुटेजमध्ये, भारताचे मुख्य निवडणूक आयुक्त ज्ञानेश कुमार हे कडेकोट सुरक्षेत नवी दिल्लीतील आपल्या शासकीय निवासस्थानातून बाहेर पडून कारने रवाना होताना दिसल्याचं बोललं जात आहे. ज्ञानेश कुमार यांच्याभोवती मतदार याद्यांच्या विशेष सखोल फेरतपासणी म्हणजे SIR प्रक्रियेवरून सध्या मोठा राजकीय आणि अंतर्गत वाद निर्माण झाल्याचं बोललं जात आहे.

ज्ञानेश कुमार यांनी इतर आयुक्तांना अंधारात ठेवून एकाधिकारशाहीने निर्णय घेतल्याता आरोप

‘द इंडियन एक्सप्रेस’च्या एका शोधपत्रकारिता अहवालात म्हणजे Investigative Reportमध्ये असा दावा करण्यात आला आहे की, निवडणूक आयोगाचे इतर दोन आयुक्त सुखबीरसिंग संधू आणि विवेक जोशी यांनी मतदार यादीतील फेरबदलांवर आणि डेटा हाताळणीवर गेल्या १० महिन्यांत किमान १४ वेळा लेखी आक्षेप घेतले होते. विरोधकांचा आरोप आहे की ज्ञानेश कुमार यांनी इतर आयुक्तांना अंधारात ठेवून एकाधिकारशाहीने निर्णय घेतले.

विरोधकांकडून तीव्र निदर्शने आणि सुरक्षेत वाढ

या वादामुळे काँग्रेस, आम आदमी पार्टी आणि तृणमूल काँग्रेससह संपूर्ण विरोधी पक्षांनी आक्रमक पवित्रा घेतला आहे. नवी दिल्लीत मुख्य निवडणूक आयुक्तांच्या विरोधात विरोधी पक्षांच्या कार्यकर्त्यांनी तीव्र निदर्शने आणि मोर्चे काढले. वाढता राजकीय तणाव आणि सुरक्षेचा संभाव्य धोका लक्षात घेता त्यांच्या निवासस्थानाबाहेर कडेकोट सुरक्षा व्यवस्था तैनात करण्यात आली होती.

 

ज्ञानेश कुमार कडेकोट सुरक्षेत आपल्या शासकीय निवासस्थानातून बाहेर 

एवढंच नाही तर विरोधकांनी ज्ञानेश कुमार यांच्या अटकेची, राजीनाम्याची आणि संसदेत महाभियोग चालवण्याची मागणी केली आहे. या तीव्र गदारोळात आणि राजकीय वादाच्या वादळात निर्माण झालेल्या परिस्थितीला सामोरे जाण्यासाठी, निवडणूक आयोगाच्या कार्यालयात अधिकृत बैठकीसाठी अथवा कायदेशीर सल्लामसलत करण्यासाठी ते कडेकोट सुरक्षेत आपल्या शासकीय निवासस्थानातून बाहेर पडून कारने रवाना झाल्याचं पाहायला मिळालं आहे.

थोडक्यात सांगायचं झालं तर, निवडणूक आयोगातील अंतर्गत मतभेद चव्हाट्यावर आल्यानंतर देशभरातून आणि विशेषतः दिल्लीत विरोधकांकडून त्यांच्याविरुद्ध सुरू असलेली तीव्र आंदोलने व सुरक्षेची खबरदारी यामुळे ते कडेकोट बंदोबस्तात कारने बाहेर पडले.

विपक्षाची भूमिका आणि राजीनाम्याची मागणी

पण आता विरोधी पक्षातील काँग्रेस नेत्या प्रियंका गांधी, राहुल गांधी आणि आपचे अरविंद केजरीवाल यांच्यासह अनेक नेत्यांनी या मुद्द्यावरून मुख्य निवडणूक आयुक्तांच्या राजीनाम्याची किंवा त्यांच्यावर कायदेशीर कारवाई करण्याची मागणी लावून धरली आहे. अवढंच नाही तर या वादाच्या पार्श्वभूमीवर, ज्ञानेश कुमार यांच्या विरोधात सर्वोच्च न्यायालयात अवमानना खटला दाखल करण्यासाठी परवानगी मागण्यात आली आहे