निवडणूक आयोगातील मतभेद आणि SIR च्या मुद्द्यावरून राज्यातील राजकीय वातावरण तापलं असतानाच. आता ठाकरे बंधुंनी देखील मोठं पाऊलं उचललं आहे. याविरोधात आता ठाकरे बंधू पुन्हा एकदा एकञ येणार आहेत. पुन्हा एकदा दोन्ही ठाकरे बंधूंनी एल्गाल पुकारला आहे.

SIR च्या मुद्द्यावरून ठाकरे बंधू पुन्हा एकञ

SIR च्या मुद्द्यावरून उद्धव ठाकरे आणि राज ठाकरे यांच्या पक्षांनी पुन्हा एकदा एकत्र येण्याची घोषणा केली आहे. तारीख ठरली असून ४ ऑक्टोबरला मुंबईत दोन्ही शिवसेना आणि मनसेच्या पुढाकाराने एसआयआरविरोधात जनमोर्चा काढण्यात येणार आहे. या मोर्चात इतर राजकीय पक्षांनाही सहभागी करून घेण्यासाठी संवाद साधणार असल्याचं मनसे अध्यक्ष राज ठाकरे यांनी सांगितलं आहे. मुख्य निवडणूक आयुक्त ज्ञानेश कुमार यांच्या नेतृत्वाखालील निवडणूक आयोगाने ‘एसआयआर’च्या नावाखाली मतदारांची घोर फसवणूक केल्याचा गंभीर आरोप राज ठाकरे यांनी केला आहे.

४ ऑक्टोबरला मुंबईत मोर्चा

एवढंच नाही या मोर्चात इतर राजकीय पक्षांनाही सहभागी करून घेण्यासाठी संवाद साधणार असल्याचं मनसे अध्यक्ष राज ठाकरे यांनी सांगितलं आहे. याबाबत राज ठाकरेंनी एक पोस्ट शेअर करत माहिती दिली आहे.  निवडणूक आयोगाच्या निर्णय प्रक्रियेवर दोन आयुक्तांनी घेतलेल्या १४ आक्षेपांच्या पार्श्वभूमीवर तसेच ‘एसआयआर’ च्या माध्यमातून कोट्यवधी मतदारांची नावे गायब झाल्याच्या मुद्द्यावरून मुंबईत मनसे प्रमुख राज ठाकरे यांनी आक्रमक भूमिका घेतली आहे. हिंंदीसक्तीच्या मुद्द्यावर राज ठाकरे-उद्धव ठाकरे यांनी विराट मोर्चा काढला होता. त्यानंतर आता निवडणूक आयोगाविरोधात ठाकरे बंधू पुन्हा एकदा एकञ येणार आहेत. ४ ऑक्टोबरला मुंबईत मोर्चा काढण्यात येणार आहे.

दरम्यान राज ठाकरे यांची पोस्ट सध्या चर्चेत आली आहेत. काय म्हणाले राज ठाकरे?

राज ठाकरे –
सस्नेह जय महाराष्ट्र,
देशातील सत्ताधारी पक्षाची जणू काही आपण शाखाच आहोत अशा पद्धतीने मुख्य निवडणूक आयुक्त ज्ञानेश कुमार यांच्या नेतृत्वाखाली निवडणूक आयोगाने ‘एसआयआर’च्या नावाखाली मतदारांची जी घोर फसवणूक केली आहे त्याविरोधात महाराष्ट्र नवनिर्माण सेना आणि शिवसेना येत्या ४ ऑक्टोबर २०२६ ला मुंबईत एक जनमोर्चा काढणार आहे. या मोर्चाच्या आयोजनात जरी महाराष्ट्र नवनिर्माण सेना आणि शिवसेनेचा पुढाकार असला तरी हा जनतेचा मोर्चा आहे आणि हा एका पक्षापुरता न राहता तो तमाम राजकीय व्यवस्थेचा आणि जनतेचा आवाज ठरेल यासाठी आम्ही सर्व राजकीय पक्षांना या मोर्चा मध्ये सहभागी होण्यासाठी संवाद साधणार आहोत.
अर्थात महाराष्ट्रातील जनतेलाच आवाहन आहे की आपण मोठ्या संख्येने या मोर्च्यात सहभागी व्हा.

बाकी मोर्च्याची वेळ आणि ठिकाण लवकरच कळवण्यात येईल. तेंव्हा एसआयआरविरोधातील या जन मोर्च्यात भेटूया ! या , देशातील लोकशाही आणि या देशाचे संविधान वाचवण्यासाठी एकत्र या !

अशी पोस्ट राज ठाकरेंनी केली आहे.