अमोल भालेराव
सध्या संपूर्ण देशभर चर्चेत असलेला विषय म्हणजे दिल्लीत जंतरमंतर मैदानात सुरु असलेलं सोनम वांगचुक यांचं उपोषण. सोनम यांनी NEET परीक्षेतील कथित गैरव्यवहारांमुळे केंद्रीय शिक्षणमंत्री धर्मेंद्र प्रधान यांचा राजीनामा आणि लडाखला पूर्ण राज्याचा दर्जा देऊन संविधानाच्या सहाव्या अनुसूचीचा समावेश करणे अशा अनेक मुद्द्यांसाठी आंदोलन सुरु केलं आहे.
सुप्रिया सुळेंची वांगचुक यांच्या उपोषणस्थळी भेट
दरम्यान आज (17 जुलै 2026) रोजी राष्ट्रवादी काँग्रेस शरदचंद्र पवार पक्षाच्या खासदार सुप्रिया सुळे यांनी सोनम यांच्या आंदोलनाला भेट दिली.उपोषणाला पाठिंबा देण्यासाठी सुप्रिया सुळे या जंतरमंतर मैदानावर गेल्या. होत्या. तिथे त्यांनी सोनम वांगचुक यांची विचारपूसही केली. यावेळी त्यांनी तरुणांना संबोधित देखील केलं.
आंदोलनाचा मुद्दा हिवाळी अधिवेशनात मांडण्याचं आश्वासन
दरम्यान यावेळी सुप्रिया सुळे यांनी माध्यमांना प्रतिक्रिया देत सोनम वांगचुक यांच्या आंदोलनाचा मुद्दा आपण हिवाळी अधिवेशनात मांडण्याचं तसेच हिवाळी अधिवेशनाआधी आणखी दोन ठिकाणी हा मुद्दा मांडण्याचं आश्वासन सुप्रिया सुळे यांनी दिलं आहे. त्या म्हणाल्या की, “राज्यात आंदोलन चाललं असेल तर ती आमची नैतिक जबाबदारी आहे की, समाजात ज्या गोष्टी सुरु आहेत त्या सरकार दरबारी पोहोचवल्या पाहिजेत. समाजातील पालकांमध्ये, तरुण पिढीत एक भावना आहे, इथे आंदोलन सुरु आहे. केंद्रीय शिक्षणमंत्री धर्मेंद्र प्रधान यांचा राजीनामा घ्यावा या मागणीसाठी आंदोलन चालू आहे. आम्ही जे लोकप्रतिनिधी आहोत, आमची नैतिक जबाबदारी असते की, समाजात ज्या गोष्टी झाल्या आहेत त्या संसदेत मांडल्याच पाहिजेत”, असं सुप्रिया सुळे म्हणाल्या.
बैठकीत शेतकऱ्यांच्या आत्महत्येचा विषय मांडणार
तसेच हिवाळी अधिवेशनाआधी दोन ठिकाणी हा विषय मांडणार असल्याचं देखील त्यांनी म्हटलं. त्या म्हणाल्या की, “संसद सुरु होण्याआधी दोन ठिकाणी मी या विषयावर बोलणार आहे. एकतर रविवारी सकाळी सर्वपक्षीय बैठकीत बोलणार आहे. केंद्र सरकारने ही रविवारी सर्वपक्षीय बैठक बोलावली आहे. या बैठकीत मी शेतकऱ्यांच्या आत्महत्येचा विषय, भारतात कमी झालेला पाऊस, त्याचबरोबर शिक्षणात झालेला सावळा गोंधळ, राम मंदिरचे जे व्हिडीओज येत आहेत, असे अनेक गंभीर विषय देशासमोर आहेत. सर्वपक्षीय बैठकीत हे सर्व विषय आम्ही महाविकास आघाडी आणि इंडिया आघाडीसोबत बोलून मांडणार आहोत”, अशी प्रतिक्रिया सुप्रिया सुळे यांनी दिली.
“सोमवारी सकाळी 10 वाजता काँग्रेसचे राष्ट्रीय अध्यक्ष मल्लिकार्जुन खर्गे यांनी इंडिया आघाडीची बैठक बोलावली आहे. या बैठकीत मी इथल्या भावना आणि इथल्या तरुणांमध्ये अस्वस्थता याबाबत बोलणार आहे”,अशी माहिती सुप्रिया सुळे यांनी दिली.
सुप्रिया सुळेंप्रमाणेच या राजकीय मंडळींचीही सोनम वांगचुक यांच्या उपोषणस्थळी भेट
दरम्यान सुप्रिया सुळेंप्रमाणेच अनेक असे राजकीय मंडळी आहेत ज्यांनी सोनम वांगचुक यांचं उपोषणस्थळी भेट देत त्यांची विचारपूस केली. तसेच त्यांच्याशी संवाद साधला. यामध्ये
प्रकाश आंबेडकर: वंचित बहुजन आघाडीचे नेते प्रकाश आंबेडकर यांनी आंदोलनस्थळी जाऊन वांगचुक यांची भेट घेतली आणि भाजप सरकारला यावर तातडीने चर्चा करण्याचे आवाहन केले.
पवन खेरा: काँग्रेस नेते पवन खेरा यांनी दिल्लीत आंदोलनकर्त्यांची भेट घेऊन काँग्रेस पक्षाचा पूर्ण पाठिंबा असल्याचे जाहीर केलं.
अमित ठाकरे: मनसेचे युवा नेते अमित ठाकरे यांनी देखील दिल्ली गाठून सोनम वांगचुक यांची प्रत्यक्ष भेट घेतली.
तसेच यांच्याशिवाय तृणमूल काँग्रेस आणि समाजवादी पक्षाच्या खासदारांनीही आंदोलनस्थळी उपस्थित राहून पाठिंबा दिला आहे. एवढंच नाही तर राजकीय मतभेद बाजूला ठेवून, उद्धव ठाकरे, ममता बनर्जी, अरविंद केजरीवाल आणि अखिलेश यादव यांसारख्या प्रमुख मुख्यमंत्र्यांनी व विरोधी पक्षनेत्यांनी ऑनलाईन किंवा निवेदनाद्वारे वांगचुक यांच्या उपोषणाला व मागण्यांना पाठिंबा दर्शवला आहे.
