सध्या देशात दिल्लीत जंतरमंतर मैदानात सुरु असलेलं सोनम वांगचुक यांचं उपोषणाचा मुद्दा जास्त चर्चेत असलेला दिसतोय. सोनम यांनी NEET परीक्षेतील कथित गैरव्यवहारांमुळे केंद्रीय शिक्षणमंत्री धर्मेंद्र प्रधान यांचा राजीनामा आणि लडाखला पूर्ण राज्याचा दर्जा देऊन संविधानाच्या सहाव्या अनुसूचीचा समावेश करणे अशा अनेक मुद्द्यांसाठी आंदोलन सुरु केलं आहे.मात्र आज त्यांची तब्येत खालावल्यामुळे वांगचूक यांना सफदरजंग रुग्णालयात दाखल करण्यात आलं आहे. त्यानंतर मात्र आंदोलनस्थळी सर्वांचाच आक्रोश पाहायला मिळाला.

रुग्णालयातूनच सोनम वांगचुक यांचा महत्त्वाचा संदेश 

याची दुसरी बाजू देखील समोर येत असून सोनम वांगचुक यांना १८ जुलै रोजी जंतर मंतर येथे उपोषण करत असताना बळजबरीने उचलून रुग्णालयात नेण्यात आलं. जेणेकरून २० जुलै रोजीचा नियोजित संसदेवरील मोर्चा पुढे ढकलण्यात येणार का असा प्रश्न निर्माण झाला होता. मात्र, त्यांनी हा नियोजित मोर्चा काढण्याचं आवाहन केलं आहे. महत्त्वाचं म्हणजे हा मोर्चा म्हणजे भारताची दुसरी स्वातंत्र्य चळवळ असेल असंही त्यांनी म्हटलंय. याबाबतचा संदेश त्यांनी त्यांच्या पत्नीमार्फत पाठवल्याची एक्स पोस्ट कॉकरोच जनता पार्टीने केली आहे.रुग्णालयातूनच सोनम वांगचुक यांनी त्यांच्या पत्नीमार्फत देशवासीयांसाठी दिलेला हा संदेश त्यांच्या पुढच्या वाटचालीचे चित्र दर्शवतो.

भारताची दुसरी स्वातंत्र्य चळवळ

“२० जुलै, स्वातंत्र्यासाठी दुसरं आंदोलन, भय मुक्त भारत आणि अन्याय मुक्त भारत”, असा संदेश सोनम वांगचुक यांनी एका पेपरवर लिहिला आहे. पुढे असं लिहिलंय की, “पेपर लीकसारख्या अन्यायापासून स्वांतत्र्य आणि माझ्या बेयाकदेशीर अटकेच्या भीतापासून स्वातंत्र्य. भारताची दुसरी स्वातंत्र्य चळवळ, संसदेवर मोर्चा. कृपया हे आंदोलन मोठ्या प्रमाणात यशस्वी करा.” असं म्हणत त्यांनी आपल्या सहकाऱ्यांपर्यंत हा संदेश पोहोचवला आहे.

दरम्यान रुग्णालयाने सांगितलं की, वांगचुक यांच्या प्रदीर्घ उपोषणामुळे डिहायड्रेशनची (शरीरातील पाणी कमी होण्याची) लक्षणे दिसत आहेत, त्यामुळे तात्काळ वैद्यकीय उपचारांची आवश्यकता आहे.त्यांच्या कुटुंबीयांनी अद्याप शिफारस केलेल्या वैद्यकीय उपचारांसाठी संमती दिलेली नाही. एम्सचे एक डॉक्टर उपचार करणाऱ्या पथकात सामील झाले आहेत आणि ते सतत देखरेख व क्लिनिकल व्यवस्थापनासाठी उपलब्ध राहतील.

Message from Sonam Sir:

20th JULY

आज़ादी का दूसरा आन्दोलन
भय मुक्त भारत, अन्याय मुक्त भारत

Freedom from injustice (Like paper leaks)
Freedom from Fear (my illegal detention)

India’s 2nd FREEDOM MOVEMENT
March to the Parliament
Please make it a big success

Sent through… pic.twitter.com/mdNqLiCA23

— Cockroach is Back (@Cockroachisback) July 19, 2026

खासगी रुग्णालयात उपचारांची मागणी

सोनम वांगचुक यांच्या पत्नीने सफदरगंज रुग्णालयातील उपचारांवर अविश्वास दाखवत उच्च न्यायालयात याचिका करून सोनम वांगचुक यांना खासगी रुग्णालयात दाखल करण्याची त्यांनी मागणी केली आहे. “सफदरजंग सरकारी रुग्णालयावरील माझा विश्वास उडाला आहे. रुग्णालयाने आम्हाला सांगितले की वांगचुक यांच्या पोटॅशियमची पातळी २.९ पर्यंत खाली आली आहे आणि ही बाब चिंताजनक व जीवघेणी असल्याचं म्हटलं आहे. तरीही, त्यांच्या सार्वजनिक आरोग्य बुलेटिनमध्ये, त्यांनी सोयीस्करपणे नेमका आकडा वगळला आणि केवळ “पोटॅशियमची पातळी कमी होत आहे” असा उल्लेख केला. एका स्वतंत्र प्रयोगशाळेच्या चाचणीत ही पातळी ३.५ आढळली, जी सामान्य मर्यादेतच आहे,” असं त्यांनी एका सोशल मीडिया पोस्टमध्ये म्हटलं आहे.

सोनम वांगचुक आणि कॉकरोच जनता पार्टीची ही चळवळीला कोणती नवीन दिशा मिळणार हे पाहणं महत्त्वाचं आहे.