अमोल भालेराव
पंतप्रधान नरेंद्र मोदी यांचे परदेश दौरे वेगवेगळ्या कारणांनी चर्चेत असतात. पंतप्रधान मोदी यांच्या परदेश दौऱ्यावर होणाऱ्या खर्चांवरून विरोधकांनी अनेकदा सरकारवर जोरदार टीकाही केल्याचं पाहायला मिळालं आहे. कारण सध्या चर्चा होतेय ती सहा वर्षांत मोदींच्या परदेश दौऱ्यांवर खर्च झालेल्या करोडो रुपयांची. मोदींच्या 2021 पासून आतापर्यंतच्या परदेश दौऱ्यावर तब्बल 550 कोटींहून अधिक खर्च कऱण्यात आल्याचं म्हटलं जातं आहे. तर मागील वर्षी म्हणजेत 2025मध्ये मोदींनी 23 परदेश दौरे केलेत त्यात 180 कोटींहून अधिक खर्च झालाय. मोदींच्या या परदेश दौऱ्यांमुळे विविध देशांसोबतचे द्विपक्षीय संबंध मजबूत होत असल्याचं सरकारनं स्पष्ट केलंय.
पंतप्रधान नरेंद्र मोदी यांच्या या वर्षातील परदेश दौऱ्यांच्या खर्चाची माहिती
पंतप्रधान नरेंद्र मोदी यांच्या या वर्षातील परदेश दौऱ्यांच्या खर्चाची माहिती केंद्र सरकारने जाहीर केली आहे. परराष्ट्र मंत्रालयाने राज्यसभेत दिलेल्या माहितीनुसार, 2026 मध्ये आतापर्यंत पंतप्रधानांच्या दौऱ्यांवर 74.58 कोटी रुपये खर्च झाले आहेत. परराष्ट्र मंत्रालयाने यावर्षीच्या फेब्रुवारी ते जुलै महिन्यांपर्यंतची आकडेवारी सादर केली आहे. या खर्चात, नॉर्वे दौऱ्यासाठी सर्वाधिक रक्कम वापरली गेल्याचे समोर आले आहे. पंतप्रधान मोदींच्या नॉर्वे दौऱ्यावर 17.46 कोटी रुपये खर्च झाल्याचं सांगण्यात आलं आहे.
जुलैपर्यंत पंतप्रधान मोदींच्या परदेश दौऱ्यांवर एकूण एवढे कोटी खर्च
पंतप्रधान मोदींच्या परदेश दौऱ्यांवरील खर्चाबाबत आम आदमी पक्षाचे खासदार संजय सिंह आणि सीपीआयचे खासदार व्ही.शिवदासन यांनी प्रश्न विचारला होता. या प्रश्नाला लेखी उत्तर देताना परराष्ट्र मंत्रालयाने मोदींच्या परदेश दौऱ्यांवरील खर्चाबाबत सविस्तर माहिती दिली आहे. पंतप्रधान मोदी यांच्या परदेश दौऱ्यावर होणाऱ्या खर्चांवरून विरोधकांनी अनेकदा टीका केली आहे. या वर्षी जुलैपर्यंत पंतप्रधान मोदींच्या परदेश दौऱ्यांवर एकूण ७४ कोटी ५८ लाख ९३ हजार ७९७ रुपये खर्च झाले असल्याची माहिती मिळत आहे.
परराष्ट्र मंत्रालयाने राज्यसभेला पुढे माहिती दिली की,या दौऱ्यांचं मुख्य उद्धीष्ट संरक्षण, व्यापार आणि गुंतवणूक, डिजिटल तंत्रज्ञान, कृत्रिम बुद्धिमत्ता, सेमीकंडक्टर, नवीकरणीय ऊर्जा, आरोग्यसेवा, शिक्षण, कृषी, अवकाश सहकार्य, गतिशीलता आणि स्थलांतर, हवामान कृती आणि सांस्कृतिक देवाणघेवाण यासह विविध क्षेत्रांचा समावेश आहे.
दौऱ्यांचा उद्देश नेमका काय होता?
उत्तरात दिलेल्या माहितीनुसार, आशिया, युरोप, आफ्रिका, मध्य पूर्व, ओशिनिया आणि अमेरिका खंडांतील देशांसोबत भारताची द्विपक्षीय भागीदारी मजबूत करणे आणि सहकार्य वाढवणे, हा या करारांचा उद्देश आहे.
यामध्ये संरक्षण, व्यापार आणि गुंतवणूक,डिजिटल तंत्रज्ञान, कृत्रिम बुद्धिमत्ता, सेमीकंडक्टर, नवीकरणीय ऊर्जा, आरोग्यसेवा, शिक्षण, कृषी, अवकाश सहकार्य, गतिशीलता आणि स्थलांतर, हवामान कृती आणि सांस्कृतिक देवाणघेवाण यासह विविध क्षेत्रांचा समावेश आहे.
केंद्र सरकारने राज्यसभेत पंतप्रधान नरेंद्र मोदी यांच्या परदेश दौऱ्यांवरील खर्चाबाबत दिलेली माहिती
2026 मध्ये जुलैपर्यंत पंतप्रधान मोदींच्या परदेश दौऱ्यांवर सुमारे 74.58 कोटी रुपयांचा खर्च झाल्याची माहिती देण्यात आली आहे.
2021 ते जुलै 2026 या कालावधीत पंतप्रधानांच्या परदेश दौऱ्यांवर 557 कोटी रुपये खर्च झाल्याचे सरकारने सांगितले आहे.
आम आदमी पक्षाचे खासदार संजय सिंह आणि सीपीआयचे खासदार व्ही. शिवदासन यांनी याबाबत प्रश्न विचारले होते.
परराष्ट्र मंत्रालयाने राज्यसभेत लेखी उत्तर देत दौऱ्यांच्या खर्चाची माहिती दिली.
यावर्षी आतापर्यंत पंतप्रधान नरेंद्र मोदी यांनी 13 देशांना भेटी दिल्याची माहिती आहे.
पंतप्रधानांच्या परदेश दौऱ्यांवरील खर्चावरून विरोधकांकडून यापूर्वीही टीका करण्यात आली आहे.
