अमोल भालेराव
पंतप्रधान नरेंद्र मोदी यांनी सोमवारी सोने खरेदीबाबत मोठे आवाहन केलं होतं. गरज नसेल तर सोने खरेदी टाळा, असे त्यांनी म्हटलं होतं. फक्त हेच नाही तर विदेशातील लग्नही टाळण्याचे आवाहन नरेंद्र मोदी यांनी केलं होतं. नरेंद्र मोदी सध्या विदेश दौऱ्यावर आहेत. त्यांनी सोशल मीडियावर एक व्हिडीओ शेअर करत याबद्दल मोठं आवाहन केलं होतं. सोने खरेदीबाबत सरकारकडून सातत्याने आवाहन केलं जात आहे. परदेशी चलनावरील दबाव टाळण्यासाठी सरकार अशी पाऊले उचलत असल्याचं बोललं जात आहे.
पंतप्रधान नरेंद्र मोदींचे सोन्याच्या खरेदीबाबत पुन्हा एकदा मोठं आवाहन
इंपोर्ट ड्युटी सोन्यावरील कमी करण्याचा निर्णय घेण्याच्या विचारात सरकार आहे. सोन्यावर 6 टक्के इंपोर्ट ड्युटी होती, लोकांनी सोने खरेदी टाळावे, याकरिता सरकारने ती थेट 15 टक्के केली. मात्र, सोने खरेदीवर कोणताही परिणाम झाला नाही. उलट बेकायदेशीर गोष्टी अधिक घडताना दिसल्याचे सरकारच्या लक्षात आले. त्यामुळे पंतप्रधान नरेंद्र मोदी यांनी सोन्याच्या खरेदीबाबत पुन्हा एकदा आवाहन केले. आवश्यकता असल्याशिवाय सोनं खरेदी करू नये असे पंतप्रधान मोदी यांनी देशवासियांना आवाहन केले.
पंतप्रधान मोदींच्या या आवाहनाचा परिणाम सराफा बाजारावर
मात्र पंतप्रधान मोदींच्या या आवाहनाचा परिणाम सराफा बाजारावर दिसून आला आहे. आवाहनानंतर लगेच दुसऱ्या दिवशीच म्हणजे आज मंगळवार १ सप्टेंबर २०२६ रोजी सोन्या-चांदीच्या दरांमध्ये या आवाहनाचा परिणाम दिसून आला. आज एमसीएक्सवर सोन्या-चांदीच्या दरात घसरण झाल्याचं पाहायला मिळत आहे. सोन्याचा भाव ३१० रुपयांनी घसरून प्रति १० ग्रॅम १,५४,१५० रुपयांवर आला आहे. तर चांदीचा भाव किंचित वाढून प्रति किलोग्रॅम २,३४,०५९ रुपयांवर आला आहे.
सोन्याचे अन् चांदीचे दर काय?
आज सराफा बाजारात सोन्याच्या दरात किंचीत दरवाढ दिसून आली. २४-कॅरेट सोन्याचा भाव १६ रुपयांनी वाढून प्रति ग्रॅम १५,६९३ रुपये झाला, म्हणजेच प्रति १० ग्रॅम १,५६,९३० रुपये. दरम्यान, २२-कॅरेट सोन्याचा भाव १५ रुपयांनी वाढून प्रति ग्रॅम १४,३८५ रुपये झाला, म्हणजेच प्रति १० ग्रॅम १,४३,८५० रुपये. १८-कॅरेट सोन्याचा भावही १२ रुपयांनी वाढून प्रति ग्रॅम ११,७७० रुपये झाला.
किंचीत घसरण
तर, चांदीच्या दरातही आज किंचीत घसरण दिसून आली. चांदीच्या दरात प्रतिकिलो ५००० रुपयांची घसरण झाली. एक किलो चांदीचा दर हा २,५०,००० रुपये इतका आहे.म्हणजे 10 ग्रॅम चांदीचा दर 2500 रुपये आहे, तर 100 ग्रॅम चांदीचा दर 25000 रुपयांवर पोहोचला आहे. एक किलो चांदीच्या दरात 5000 रुपयांची घट होऊन 250000 रुपये झाला आहे. नरेंद्र मोदी यांच्या आवाहनानंतर चांदी नक्कीच स्वस्त होताना दिसत आहे.
View this post on Instagram
सोन्याच्या दरावर दबाव
तज्ज्ञांच्या मते सोन्याच्या दरात सध्या सोन्याच्या दरावर दबाव असल्याचे दिसून येत आहे. एका वृत्तानुसार, बाजार विश्लेषक टोनी सायकामोर यांनी सांगितले की, फेडरल बँकेची भूमिका आणि होर्मुझच्या सामुद्रधुनीत वाढलेला तणाव याचा परिणाम सोन्याच्या दरावर झाला आहे. तणावामुळे कच्च्या तेलाच्या दरात वाढ झाली आहे. त्यामुळे महागाईचा भडका उडण्याची चिन्हे आहेत.
गुंतवणूकदारांचे लक्ष आता अमेरिकेतील काही महत्त्वाच्या आकड्यांवर
गुंतवणूकदारांचे लक्ष आता अमेरिकेतील काही महत्त्वाच्या आकड्यांवर लागले आहे. रोजगाराशी संबंधित डेटा, एडीपी रोजगार रिपोर्ट, नॉन परफॉर्म डेटा आदीशी संबंधित अहवाल येण्याची शक्यता आहे. या आकडेवारीमुळे अमेरिकन अर्थव्यवस्था आणि फेडरल रिझर्व्हच्या आगामी व्याज दराबाबतचा अंदाज बांधला जाऊ शकतो. ज्याचा परिणाम थेट सोन्याच्या दरावर होईल.
