अमोल भालेराव
‘सैराट’ चित्रपटातून अवघ्या महाराष्ट्राला वेड लावणारी ‘आर्ची’ म्हणजेच अभिनेत्री रिंकू राजगुरू लालबागच्या राजाच्या दर्शनाला गेली होती. पण तिचं विषेश आकर्षण ठरलं ते म्हणजे तिच्या साध्यापणाचं. रिंकू राजगुरू ही नक्कीच घराघरात सेलिब्रिटी म्हणून,महाराष्ट्राचा क्रश म्हणून पोहोचली आहे. पण तरी देखील कोणतीही व्हीआयपी ट्रीटमेंट न घेता अगदी सर्वांप्रमाणे रांगेत उभं राहून तिने राजाचं दर्शन घेतलं.
रिंकूच्या साध्या अंदाजावर चाहते फिदा
गणेशोत्सवाच्या काळात मुंबईतील लालबागच्या राजाच्या चरणी दर्शनासाठी सामान्य जनतेपासून ते बॉलिवूडच्या बड्या सेलिब्रिटींपर्यंत सर्वांचीच रीघ लागलेली असते. अशा वेळी अनेक स्टार्स विशेष सुरक्षा व्यवस्था आणि पोलिसांच्या गराड्यात अवघ्या काही मिनिटांत दर्शन घेऊन निघून जातात. पण त्याचवेळी अभिनेत्री रिंकू राजगुरू हिने सामान्य जनतेसह रांगेत उभे राहून लालबागच्या राजाचे दर्शन घेतलं. रिंकूच्या याच साध्या अंदाजावर चाहते फिदा झाले आहेत. तिचा हा व्हिडिओ सोशल मीडियावर वाऱ्यासारखा व्हायरल होत आहे. तसेच तिचं कौतुकही करत आहेत.
View this post on Instagram
सामान्यांशी मारल्या मनमोकळ्या गप्पा
व्हायरल झालेल्या व्हिडीओमध्ये रिंकूने तपकिरी रंगाची कॉटनची साडी नेसल्याचं पाहायला मिळत आहे. तिने गळ्यात माळ, नाकात नथ आणि कानात नाजूक कानातले असा सिंपल लूक केला आहे. या साधेपणातही ती अतिशय सुंदर दिसत असून तिने त्या गर्दीतही तिचा तो साधेपणा जपला.
View this post on Instagram
रांगेत उभ्या असलेल्या सर्वसामान्य भाविकांसह तिने मनमोकळ्या गप्पाही मारल्या
एवढंच नाही तर दर्शनासाठी रांगेत उभ्या असलेल्या सर्वसामान्य भाविकांसह तिने मनमोकळ्या गप्पाही मारल्या. मराठी सिनेसृष्टीतील एक मोठं नाव असलेली रिंकू आपण सेलिब्रिटी असल्याचं न भासवता रांगेत उभ्या असणाऱ्या शेजारच्या लोकांशी आणि महिलांशी अतिशय आपुलकीने आणि हसतमुखाने गप्पा मारताना दिसत आहे. तिच्या या साधेपणाचं सोशल मीडियावर तुफान कौतुक होत आहे.
रिंकूनं पुन्हा एकदा सर्वांच मन जिंकलं
वेगवेगळ्या सिनेमांमधून रिंकु राजगुरू नेहमीच आपल्या साधेपणाने सर्वांचं लक्ष वेधून घेते. रिंकू सोशल मीडियावरही खूप सक्रिय आहे. अनेकदा ती चाहत्यांसोबत वेगवेगळे फोटो आणि व्हिडीओ शेअर करत असते. चाहतेही तिला भरभरून प्रेम देतात. दरम्यान, लालबागचा राजाच्या दर्शनासाठी आलेल्या रिंकूच्या साधेपणाने सर्वांचच मन जिंकलं आहे.
