अमोल भालेराव
कॉकरोच जनता पार्टीच्या जंतर मंतरवरील मोठ्या आंदोलनामुळे देशभरात काय पडसाद उमटले हे वेगळं सांगण्याची आवश्यकता नक्कीच नाही. CJP च्या कार्यकर्त्यांनी अखेर या आंदोलनाला मोठे यश मिळवून दाखवलं. शेवटपर्यंत कॉकरोच जनता पार्टी धर्मेंद्र प्रधान याच्या राजीनाम्यावर ठाम राहिली. अखेर धर्मेंद्र प्रधान यांना केंद्रीय शिक्षण मंत्री पदाचा राजीनामा द्यावा लागला.
दरम्यान जंतर मंतरवरील आंदोलनानंतर अभिजीत दिपके अखेर त्याच्या घरी पोहोचला आहे. यावेळी त्याचे छत्रपती संभाजीनगर येथील विमानतळावर जोरदार स्वागत करण्यात आले. मात्र आता अभिजीत दिपकेबद्दल आणखी एक महत्त्वाची बातमी समोर येतेय ती म्हणजे तो लवकरच लग्नबंधनात अडकणार असल्याची.
आईचे लग्नाबद्दल मोठे विधान
अभिजीत दिपकेच्या आईने नुकताच त्याच्या लग्नाबद्दल मोठे विधान केलं आहे.अभिजीत दिपके याच्या कुटुंबियांनी त्याच्या लग्नाबद्दल बोलताना म्हटले की,”अभिजीतसाठी जास्त प्रमाणात लग्नासाठी स्थळे येत आहेत. पण त्याचे म्हणणे आहे की, जोपर्यंत तो पूर्णपणे आर्थिक सक्षम होणार नाही, तोपर्यंत तो लग्न करणार नाही.”
मागील दोन वर्षांपासून त्याला लग्नासाठी स्थळं येत आहेत
एवढच नाही तर अभिजीतच्या आईने म्हटलं आहे की,अभिजीतला मागील दोन वर्षांपासून त्याचे लग्न ठरवण्यासाठी आम्हीही त्याला समजावत आहोत. त्याला लग्नासाठी दोन वर्षांपासूनच स्थळे येत आहेत, पण गेल्या काही दिवसांपासून अधिक स्थळ येऊ लागली आहेत. पण या लग्नाच्या प्रस्तावावर अभिजीतने म्हटलं आहे की,”माझे शिक्षण पूर्ण होऊ द्या आणि मला चांगल्याप्रकारे आर्थिक सक्षम होऊ द्या, त्यानंतर मी लग्न करेल.” तो त्याच्या या निर्णयावर ठाम असल्याचं त्याने सांगितलं. अभिजीतच्या आई पुढे म्हणाल्या “त्याला मी कायम हे म्हणत आले की आपल्याकडे व्यवस्थित पैसा पाणी आहे. पण त्याने नेहमीच म्हटले की, मला स्वत: पैसा कमवायचा आहे.”
CJP ची देशभरात एक वेगळीच क्रेझ
जून 2026 मध्ये अभिजीत दिपके अमेरिकेच्या बॉस्टन येथून दिल्ली येथे पोहोचला. नीट परीक्षेच्या विरोधात त्याने मोर्चा उभा केला.त्यानंतर हीच चळवळ पुढे कायम ठेवून जंतर मंतरवर आंदोलन सुरु केलं.या आंदोलनाने देशभर धुमाकूळ घातला. देशभरातून विद्यार्थी रस्त्यावर उतरले. जंतर मंतरवर विद्यार्थ्यांची गर्दी वाढत गेली. सरकारला अखेर या आंदोलकांपुढे झुकावे लागले. केंद्रीय शिक्षण मंत्री धर्मेंद्र प्रधान यांनी राजीनामा दिला.त्यामुळे आता CJP ची देशभरात एक वेगळीच क्रेझ पाहायला मिळत आहे.
