मेरठमधील प्रसिद्ध निळ्या ड्रम हत्याकांड प्रकरणामुळे सर्वांनाच हादरवलं होतं.पतीची हत्या करून पत्नीने त्याचा मृतदेह आपल्या प्रियकराच्या मदतीने निळ्या ड्रममध्ये लपवण्यात आला होता. या प्रकणाबाबत आता एक महत्त्वाची अपडेट समोर आली आहे.

‘निळ्या ड्रम’ हत्याकांडात पत्नीला मृत्युदंडाची शिक्षा 

या हत्येप्रकरणी दोषी ठरलेल्या मुस्कान आणि तिचा प्रियकर साहिल यांना मृत्युदंडाची शिक्षा सुनावण्यात आली आहे. दोन्ही आरोपींना जिल्हा कारागृहातून व्हिडिओ कॉन्फरन्सिंगद्वारे न्यायालयात हजर करण्यात आले. पतीची हत्या करून त्याचा मृतदेह निळ्या ड्रममध्ये लपवल्याच्या आरोपाखाली असलेल्या मुस्कान रस्तोगी आणि तिचा प्रियकर साहिल यांना न्यायालयाने मृत्युदंडाची शिक्षा सुनावली आहे.

निर्णय संपूर्ण देशासाठी एक आदर्श ठरेल

न्यायालयाने त्या दोघांनाही गुन्हेगार ठरवून फाशीची शिक्षा सुनावली. तसेच त्यांच्यावर ५०,००० आणि २०,००० रुपयांचा दंडही ठोठावला. महाभारतातील वचनांचा संदर्भ देत न्यायालयाने सांगितले की, गुन्हेगाराला त्याच्या गुन्ह्याबद्दल शिक्षा देणे हा धर्म आहे. शिक्षा गुन्ह्याच्या प्रमाणात असावी. हा निर्णय संपूर्ण देशासाठी एक आदर्श ठरेल. अशा कृत्यांमध्ये वाढ होत होती. यामुळे त्यांना आळा बसेल. गुन्ह्याचे गांभीर्य आणि तीव्रता पाहता, हा एक ऐतिहासिक निर्णय समजला जात आहे.

३० सप्टेंबर रोजी न्यायालयाने त्या दोघांना दोषी ठरवलं

या खून प्रकरणात, न्यायालयाने ३० सप्टेंबर रोजी आरोपी मुस्कान रस्तोगी आणि तिचा प्रियकर साहिल यांना दोषी ठरवले. जिल्हा न्यायाधीश अरविंद कुमार मिश्रा यांनी हा निकाल दिला. शिक्षेची तारीख १४ ऑक्टोबर निश्चित करण्यात आली आहे. सौरभ राजपूत खून प्रकरणाची सुनावणी जुलै २०२५ मध्ये सुरू झाली. सुमारे १३ महिने चाललेल्या न्यायालयीन सुनावणीदरम्यान, १२६ तारखांना २२ हून अधिक साक्षीदारांचे जबाब नोंदवण्यात आले.

सौरभचा मृतदेह त्याच्याच घरात एका निळ्या ड्रममध्ये सापडला होता

निळ्या ड्रममुळे सौरभ राजपूतची हत्या राष्ट्रीय चर्चेचा विषय बनली. सौरभचा मृतदेह त्याच्याच घरात एका निळ्या ड्रममध्ये सापडला होता. त्याची पत्नी, मुस्कान रस्तोगी आणि तिचा प्रियकर, साहिल, यांच्यावर सौरभची हत्या करून त्याचा मृतदेह निळ्या ड्रममध्ये कोंबल्याचा आरोप आहे. गेल्या वर्षी १९ मार्च रोजी पोलिसांनी मुस्कान आणि साहिलला अटक करून तुरुंगात पाठवले.

मृत सौरभ राजपूतच्या कुटुंबीयांनी दोन्ही आरोपींना मृत्युदंड देण्याची न्यायालयाला विनंती केली होती. सौरभ राजपूतचा भाऊ राहुल म्हणाला, “आम्ही नेहमीच न्यायाची आशा बाळगली आहे. त्यांनी आमच्या भावाबरोबर जे केले, तीच शिक्षा त्यांना मिळावी अशी आमची नेहमीच मागणी राहिली आहे.”

ब्लू ड्रम हत्याकांडाची चर्चा देशभरात झाली

निळ्या ड्रममुळे सौरभ राजपूतची हत्या राष्ट्रीय चर्चेचा विषय बनली. सौरभचा मृतदेह त्याच्याच घरात एका निळ्या ड्रममध्ये सापडला होता. त्याची पत्नी, मुस्कान रस्तोगी आणि तिचा प्रियकर, साहिल, यांच्यावर सौरभची हत्या करून त्याचा मृतदेह निळ्या ड्रममध्ये कोंबल्याचा आरोप आहे. गेल्या वर्षी १९ मार्च रोजी पोलिसांनी मुस्कान आणि साहिलला अटक करून तुरुंगात पाठवले.