अमोल भालेराव
उत्तरी नेपाळमध्ये बुधवारी सकाळी अचानक महापूर आल्याने सीमावर्ती भागातील वस्त्यांमध्ये प्रचंड हाहाकार माजला आहे. या आपत्तीमुळे सखल भागातील अनेक जिल्ह्यांमध्ये हाय अलर्ट जारी करण्यात आला आहे.स्थानिक वेळेनुसार सकाळी सुमारे ९ वाजण्याच्या सुमारास ‘भोटे कोशी’ नदीला अचानक भीषण पूर आला. हा पुराचा पाण्याचा लोट तिबेटच्या बाजूने आल्याचे सांगण्यात येत आहे.
नेपाळच्या रसुवा जिल्ह्यात अचानक भीषण पूर
नेपाळच्या रसुवा जिल्ह्यात अचानक आलेल्या भीषण पुरामुळे मोठी हानी झाली आहे. या पुरात आतापर्यंत 7 जणांचा मृत्यू झाला असून 41 हून अधिक जण बेपत्ता झाल्याची माहिती समोर आली आहे. तिबेटमधून नेपाळमध्ये येणाऱ्या भोटेकोशी नदीच्या पाण्याची पातळी अचानक वाढल्याने नदीकाठच्या परिसरात हाहाकार उडाला. पाण्याचा प्रवाह अचानक वाढल्यामुळे रसुवा जिल्ह्यातील तिमुरे आणि लगतच्या स्याफ्रुबेसी परिसरात प्रचंड नुकसान झालं आहे. या प्रवाहात अनेक वाहने, सामान व मालमत्ता वाहून गेली आहे.
VIDEO | Nepal: Devastating flash flood causes major damage to markets and hydropower projects in Rasuwa region. More details are awaited.#NepalNews #NepalFlashFlood
(Source: Third Party)
(Full video available on PTI Videos – https://t.co/d8jp61yd2p) pic.twitter.com/QQmU1advuw
— Press Trust of India (@PTI_News) August 26, 2026
या अचानक आलेल्या पुरात अनेक बाजारपेठा पाण्याखाली गेल्या असून काही जलविद्युत प्रकल्पांचेही मोठे नुकसान झाले आहे. परिस्थिती गंभीर असल्याने प्रशासनाने त्रिशूली नदीच्या खालच्या भागात राहणाऱ्या नागरिकांना सतर्क राहण्याचे आणि गरज पडल्यास सुरक्षित ठिकाणी जाण्याचे आवाहन केलं आहे.
पोलीस अन् जवानांना तैनात करण्यात आलं आहे
नेपाळच्या पंतप्रधान कार्यालयाने दिलेल्या माहितीनुसार, भीषण पुराची परिस्थिती पाहता बचाव आणि मदत कार्य तीव्र करण्यासाठी रसुवा व आसपासच्या भागात नेपाळ सेना, सशस्त्र पोलीस बळ आणि नेपाळ जवानांना तैनात करण्यात आले आहे. पुरामुळे निर्माण झालेल्या परिस्थितीवर चर्चा करण्यासाठी आणि उपाययोजना आखण्यासाठी एका उच्चस्तरीय बैठकीचे आयोजन करण्यात येत आहे.
🚨 INDIA, BE CAREFUL! 🇮🇳
A major flood wave has entered Nepal’s Bhote Koshi from the Tibetan side, triggering alerts across the Trishuli basin.
Bhote Koshi → Trishuli → Narayani/Gandak → Bihar → Ganga.
West Champaran, East Champaran, Gopalganj, Saran & Vaishali should… pic.twitter.com/5oayN3emjN
— Megh Updates 🚨™ (@MeghUpdates) August 26, 2026
हवामानही स्वच्छ असतानाही, पुरामागचं नेमके कारण काय?
या पुरामागचं नेमके कारण अद्याप स्पष्ट झालेले नाही. रसुवा जिल्ह्याचे प्रमुख जिल्हा अधिकारी नरेंद्र परियार यांनी दिलेल्या माहितीनुसार, जिल्हा मुख्यालय आणि आसपासच्या भागात पाऊसच झाला नव्हता. हवामानही स्वच्छ होते. त्यामुळे कोणताही मोठा पाऊस न पडता नदीला अचानक एवढा प्रचंड पूर कसा आला, याबद्दल तपास सुरु आहे. प्रशासनाने वरच्या हिमालयीन भागात एखादे हिमनदी तलाव फुटले असावे किंवा पाण्याचा तात्पुरता अडथळा तुटला असावा, अशी शक्यता व्यक्त केली आहे. मात्र, याबाबत अद्याप अधिकृतपणे स्पष्ट कारण समोर आलेले नाही. नदीतील पाण्याचा जोर कायम असल्याने नुवाकोट आणि धाडिंग जिल्ह्यांतील काही भागांवरही पुराचा धोका निर्माण झाला आहे. प्रशासनाने या भागातील नागरिकांना विशेष खबरदारी घेण्याच्या सूचना दिल्या आहेत.
