अगदीच थोड्याच वेळातशिवसेना (उद्धव बाळासाहेब ठाकरे) पक्षाचे पक्षप्रमुख उद्धव बाळासाहेब ठाकरे आणि मनसे अध्यक्ष राज ठाकरे यांच्या नेतृत्वाखाली आज, ४ ऑक्टोबर २०२६ रोजी मुंबईत ‘गर्जना मोर्चा’ची सुरुवात होणार आहे.

मोर्चा मेट्रो सिनेमापासून निघून मुंबई महापालिका (BMC) इमारतीसमोर धडकणार

सकाळी ११ वाजता मोर्चाला सुरुवात होणार असून, १० वाजल्यापासून कार्यकर्ते व नागरिक जमा झाले आहेत. हा मोर्चा मेट्रो सिनेमापासून निघून मुंबई महापालिका (BMC) इमारतीसमोर धडकणार आणि नंतर त्याचे सभेत रूपांतर होणार आहे. विशेषत: या आंदोलनात कोणत्याही राजकीय पक्षाचा झेंडा असणार नाही, तर सहभागी नागरिकांना हातात केवळ तिरंगा घेण्याचे आवाहन करण्यात आले आहे. लोकशाही व संविधान रक्षणासाठी हा संयुक्त एल्गार पुकारण्यात आला आहे.

सर्वांच्या नजरा खिळल्या

केंद्रीय निवडणूक आयोग आणि मुख्य निवडणूक आयुक्त ज्ञानेश कुमार यांच्याविरोधात आज महामोर्चा निघणार आहे. शिवसेना ठाकरे गटाचे नेते उद्धव ठाकरे आणि मनसे नेते राज ठाकरे यांच्याकडून हा मोर्चा काढण्यात येणार. उद्धव ठाकरे आणि राज ठाकरे काय गर्जना करणार याकडे सर्वांच्या नजरा आहेत. मुंबईच्या मेट्रो परिसरात शिवसैनिक गावाखेड्यातून दाखल होण्यास सुरूवात झाली.

राज ठाकरे हे भावी मुख्यमंत्री तर उद्धव ठाकरे हे भावी पंतप्रधान व्हावेत, …थेट बॅनर 

एवढंच नाही तर राज ठाकरे हे भावी मुख्यमंत्री तर उद्धव ठाकरे हे भावी पंतप्रधान व्हावेत, मनसे शिवसेनेत विलीन करावी अशी मागणी त्यांच्याकडून केली जात आहे. तेस बॅनरही त्यांनी लावले. दरम्यान मुंबई पोलिसांच्या विनंतीनुसार मोर्च्याच्या मार्गात बदल करण्यात आला असून, हा मोर्चा आता ‘मेट्रो सिनेमा’ ते ‘बृहन्मुंबई महानगरपालिका मुख्यालय’ असा निघणार आहे तसेच याआधी भायखळा ते आझाद मैदान असा मार्ग ठरला होता.तसेच या मोर्चाला काँग्रेस व राष्ट्रवादी काँग्रेस (शरदचंद्र पवार पक्ष) या महाविकास आघाडीतील घटक पक्षांनी पाठिंबा दर्शवला आहे

मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी मनसे अध्यक्ष राज ठाकरे आणि शिवसेना पक्षप्रमुख उद्धव ठाकरे यांनी या जनमोर्चाची हाक दिली आहे.त्यामुळे पुन्हा एकदा एकञ आवाज उठवणाऱ्या ठाकरे बंधूंच्या मोर्चाकडे सर्वांच लक्ष लागलं आहे.