Mumbai 6 July 2026 Rain Update;

मुंबई आणि उपनगरांमध्ये आज पहाटेपासून मुसळधार पावसाने जोर धरला आहे. हवामान तज्ज्ञांनी पुढील काही तास अतिवृष्टी आणि ताशी ७० किलोमीटरपर्यंत वेगाने वारे वाहण्याचा इशारा दिला आहे.

दरम्यान, सोशल मीडियावर नागरिकांकडून येणाऱ्या माहितीनुसार अनेक भागांमध्ये जोरदार पाऊस सुरू आहे.

नागरिकांच्या माहितीनुसार:

.  मालाड येथे सध्या अतिमुसळधार पाऊस सुरू असल्याचे सांगण्यात आले आहे.

. अंधेरी परिसरातही मुसळधार पावसासह जोरदार वारे वाहत असल्याची माहिती समोर आली आहे.

. मीरा रोड येथेही जोरदार पाऊस सुरू असल्याचे नागरिकांनी म्हटले आहे.

. बांद्रा पूर्व परिसरातही मुसळधार पावसाची नोंद करण्यात आली आहे.

. कुर्ला येथेही अतिमुसळधार पाऊस कोसळत असल्याचे नागरिकांनी सोशल मीडियावर पोस्ट केले आहे.

 .  जुहू परिसरात वेगवान वाऱ्यांसह पाऊस सुरू असल्याचे व्हिडिओदेखील समोर येत आहेत.

. तर नायगाव येथे सध्या जोरदार वाऱ्यांचा प्रभाव असून पावसाचा जोर तुलनेने कमी असल्याची माहिती आहे.

. कांदिवली पश्चिम  येथे काही नागरिकांनी अद्याप जोरदार पाऊस नसल्याचे सांगितले आहे.

प्रशासनाने नागरिकांना अत्यावश्यक कामाशिवाय घराबाहेर पडू नये, झाडे, होर्डिंग्ज आणि जीर्ण इमारतींपासून दूर राहावे तसेच हवामान विभाग, बृहन्मुंबई महानगरपालिका आणि वाहतूक पोलिसांच्या अधिकृत सूचनांचे पालन करण्याचे आवाहन केले आहे.

टीप: वरील परिसरांतील पावसाची माहिती सोशल मीडियावरील नागरिकांच्या पोस्टवर आधारित असून, अधिकृत आकडेवारी वेगळी असू शकते.
तुमच्या परिसरातील व्हिडिओ,फोटो 9029402796 व्हॉटअप करा.