अन्न व औषध प्रशासाचे आयुक्त तुकाराम मुंढे यांच्या कारवाईचा धडाका सुरू आहे.अन्न आणि औषध विभागाच्या धडक कारवाईमुळे सध्या फूड विक्री करणाऱ्यांचे धाबे चांगलेच दणाणले आहेत. गेल्या काही दिवसांपासून राज्यात अस्वच्छ पदार्थ विक्री करणाऱ्या रेस्टॉरंट आणि हॉटेलवर कारवाईचा बडगा उगारला जात आहे. मात्र आता हाच कारवाईचा मोर्चा सरकारी आस्थापनाकडे वळवण्यात आला आहे.

हायकोर्टाच्या कँटीनला टाळे

अन्न व औषध प्रशासनाचा मोर्चा हायकोर्टाने मंत्रालायाच्या कँटीनची पुन्हा तापसणी करण्याचे आदेश दिले. तर दुसरीकडे अन्न व औषध प्रशासनाच्या नोटीसनंतर थेट हायकोर्टाच्या कँटीनला टाळे ठोकण्यात आले आहे.उच्च न्यायालयाच्या इमारतीतील दुसऱ्या मजल्यावर असलेलं कँटीन अन्न व औषध प्रशासनाकडून बंद करण्यात आलं आहे. नियमांची पूर्तता होईपर्यंत संबंधित कँटीनमधील खाद्यपदार्थांच्या विक्रीवर बंदी घालण्यात आली आहे.

दिंडोशी सत्र न्यायालय, मुंबई असे दोन कँटीन आहेत, त्यापैकी दुसऱ्या मजल्यावर असलेली ही कँटीन बंद करण्यात आली आहे. कँटीनवर झालेल्या या कारवाईमुळे एकच खळबळ उडाली. इतर शासकीय व निमशासकीय आस्थापनांमधील कँटीनची तपासणी सुरु आहे.

उपाहारगृहाची आवश्यक नोंदणीही झालेली नसल्याचा धक्कादायक प्रकार

दरम्यान परवानगी न घेता उच्च न्यायालयाच्या इमारतीत सुरू असलेल्या तीन उपाहारगृहांना एफडीएने गुरुवारी टाळे ठोकले, तर चौथ्या कँटीनमध्ये त्रुटी आढळल्याने नोटीस बजावली. तपासणीत संबंधित उपाहारगृहाने आवश्यक अन्न सुरक्षा नियमांचे पालन न केल्याचे निदर्शनास आले. तसेच उपाहारगृहाची आवश्यक नोंदणीही झालेली नसल्याचा धक्कादायक प्रकार उघडकीस आला.

गुरुवारी ३० जुलै रोजी उच्च न्यायालयातील कँटीनवर धाड टाकली

एफडीएने केवळ खासगी हॉटेल, आस्थापनांवर कारवाई न करता मंत्रालय, उच्च न्यायालयातील कँटीनचीही तपासणी करावी, अशी सूचना प्रभारी मुख्य न्यायमूर्ती रवींद्र घुगे यांनी केली होती.त्यानंतर एफडीए अधिकाऱ्यांनी गुरुवारी ३० जुलै रोजी उच्च न्यायालयातील कँटीनवर धाड टाकली. तेव्हा तीन कँटीनसाठी परवानगीच नसल्याची बाब समोर झाली. यावेळी न्यायालयाच्या परिसरातील कँटीनमध्ये नियमांचे पालन होत आहे का,याची तपासणी करण्यात आली.

तीन कँटीनचे कामकाज थांबविण्याची नोटीस

एफडीए अधिकाऱ्यांनी या तीन कँटीनचे कामकाज थांबविण्याची नोटीस दिल्याचंही म्हटलं जात असून या आधी बाहेरून आणलेले पॅकेटबंद खाद्यपदार्थ कँटीनमध्ये देण्यात येत होते. मात्र, आता काही काळापासून कँटीनमध्येच ताजे खाद्यपदार्थ तयार करण्यास सुरुवात करण्यात आली होती अशी माहिती समोर आली आहे.