महाराष्ट्रात गेल्या काही आठवड्यांपासून झालेल्या अतिवृष्टी आणि पुरामुळे शेतकऱ्यांचे शेत नष्ट झाले आहेत, पीकाचे मोठे नुकसान झाले आहे आणि अनेक शेतकऱ्यांवर आर्थिक ताण इतका वाढला आहे की काही जण आत्महत्येस प्रवृत्त झाले आहेत.

ज्येष्ठ नेते शरद पवार यांनी याबाबत गंभीर चिंता व्यक्त करत म्हटले आहे की, राज्य सरकारने अद्याप केंद्राला नुकसानीचा अंतिम प्रस्ताव पाठवलेला नाही. या विलंबामुळे शेतकऱ्यांना वेळेवर मदत मिळत नाही आणि शेतकऱ्यांची ही परिस्थिती अत्यंत चिंताजनक आहे.

शरद पवार म्हणाले की, “राज्यातील शेतकऱ्यांना पुर आणि अतिवृष्टीमुळे मोठे नुकसान झाले असून केंद्राकडे मदतीसाठी संपर्क साधला असता, तरीही महाराष्ट्र सरकारकडून अद्याप अंतिम प्रस्ताव सादर झालेला नाही. यामुळे शेतकऱ्यांना तत्काळ मदत मिळण्यास अडथळा निर्माण झाला आहे.”

सध्याच्या परिस्थितीत शेतकऱ्यांसाठी त्वरित उपाययोजना करणे आवश्यक आहे. ज्येष्ठ नेते शरद पवार यांनी केंद्र आणि राज्य दोन्हीकडे दाब वाढवण्याचे आवाहन केले आहे, जेणेकरून शेतकऱ्यांना लवकरात लवकर मदत मिळू शकेल.