आज ११ दिवसांनी सर्व गणेशभक्तांकडून गणपती बाप्पाला जड मनाने निरोप दिला. मुंबई, पुण्यासह सर्व राज्यभरात अनंत चतुर्दशीचा उत्साह दिसून आला. सर्वच घरगुती आणि मंडळाच्या गणरायांचे आज विसर्जन करण्यात आलं पण अशातच एक मनाला चटका लावणारी घटना घडली. विसर्जनादरम्यान २१ फूट उंच मूर्ती कोसळल्याची घटना घडली.

विसर्जनादरम्यान २१ फूट उंच मूर्ती कोसळली

ही दुर्देवी घटना कोल्हापुरात एक घडली आहे. विसर्जनादरम्यान २१ फूट उंच मूर्ती कोसळली आहे. सुदैवाने कोणीही जखमी झालेलं नाही. मात्र गणरायाला अखेरचा निरोप देतानाच ही घटना घडल्याने गणेशभक्तांमध्ये हळहळ पाहायला मिळत आहे. कोलहापुरातील वाय. पी. पोवार नगर मंडळाची ही २१ फुटी उंच भव्य मूर्ती होती. ही बॅलेन्सिंग गणेशमूर्ती होती. एका पायावर उभी असणारी ही मूर्ती पुढील बाजूला झुकलेली होती. ट्रॉलीमधून गणेशमूर्ती विसर्जनासाठी नेली जात होती. गणेशमूर्तीचं विसर्जन करण्यासाठी नेलं जात असताना गोखले कॉलेज चौकात मूर्ती कोसळली. सकाळी १० च्या सुमारास ही घटना घडली. मिळालेलेल्या एका विद्युत तारेचा स्पर्श झाला अन् मूर्तीला कोसळल्याचं बोललं जातं.

महावितरणने हा आरोप फेटाळला

मूर्ती कोसळल्यानंतर घटनास्थळी एकच गोंधळ उडाला होती. घटनेची माहिती मिळाल्यानंतर स्थानिक पोलीसांनी घटनास्थळी धाव घेतली होती. पोलिसांनी काही अनुचित घडणार नाही याची काळजी घेत गर्दी नियंत्रणात आणली. तसंच तात्काळ मदतकार्य सुरू केलं. दुर्घटनेनंतर गणेशमंडळाने महावितरणावर आरोप केलं आहे. विसर्जन मार्गातील वायर, झाडाच्या फांद्या हटवण्यासंदर्भात विनंती केल्यानंतरही त्याची पूर्तता न झाल्याने हा प्रकार घडल्याचा त्यांचा आरोप आहे. मात्र महावितरणने हा आरोप फेटाळला आहे.

मुंबईतील भुलेश्वलरची पुनरावृत्ती

मुंबईतील प्रसिद्ध ‘भुलेश्वरचा राजा’ गणपतीची २२ फूट उंच मूर्ती २२ ऑगस्ट २०२६ रोजी आगमन सोहळ्यादरम्यान अचानक कोसळली. या दुर्दैवी अपघातात दोन जणांचा मृत्यू झाला असून पाच जण जखमी झाले.

२२ ऑगस्ट २०२६ रोजी रात्री सुमारे ९.३० ते १० च्या सुमारास दक्षिण मुंबईतील भुलेश्वर भागातील जय आंबे चौकात ‘भुलेश्वरचा राजा’ मूर्तीचा आगमन सोहळा सुरू होता. मूर्ती भायखळ्यातील कार्यशाळेतून मंडपाकडे आणली जात असताना, मंडपापासून अवघ्या ५० ते ६० मीटर अंतरावर ती अचानक असंतुलित होऊन भाविकांवर कोसळली.

धारावी आणि मालाडमध्येही कोसळली मूर्ती

याशिवाय कुर्ला आणि मालाडमध्येही गणेशमूर्ती कोसळल्याची घटना घडली होती. कुर्ला येथील ‘प्रेम नगरचा महाराजा’ मूर्ती ८ सप्टेंबर ला कोसळली होती. प्रेम नगर मित्र मंडळ’ ची १५ फूट उंच असलेली गणेशमूर्ती ट्रॉलीवरून मंडपाकडे नेली जात होती. शीतल तलावाजवळ अचानक मूर्तीचा तोल गेला आणि ती रस्त्यावर कोसळली. घटनेत ३ कार्यकर्ते जखमी झाले. खराब स्पीडब्रेकर आणि खड्ड्यांमुळे मूर्ती कोसळल्याचा आरोप करण्यात आला.