मुंबईतील सर्वात प्रसिद्ध गणपती लालाबागचा राजाच्या दर्शनासाठी दरवर्षी लाखो भाविक येतात. विसर्जनावेळीही त्याहून दुप्पट गर्दी पाहायला मिळते. यंदाही लालबागच्या राजाला निरोप देण्यासाठी लाखो भाविक गिरगाव चौपाटीवर जमा झाले आहेत. सोबतच यावर्षीही लालाबागचा राजाची विसर्जन मिरवणूक 20 तासांनंतर चौपाटीवर पोहोचली आहे.

दाही राजाच्या विसर्जनाला विलंब

ढोल-ताशांच्या गजरात, भावपूर्ण वातावरणात निघालेली लालबागचा राजा गणेशोत्सव मंडळाची मिरवणूक गिरगाव चौपाटीच्या आसपास पोहोचली आहे. लवकरच विसर्जन होणार असल्यामुळे लाखो भाविकांनी राजाचे शेवटचे दर्शन घेण्यासाठी गर्दी केली आहे. मात्र, गेल्या वर्षी प्रमाणे यंदाही राजाच्या विसर्जनाला विलंब होण्याची शक्यता वर्तवली जात आहे. आता नेमकं कारण काय आहे? असा प्रश्न अनेकांना पडला आहे.

राजा कित्येक तास चौपाटीवर होता

गेल्या वर्षी लालबागचा राजा कित्येक तास चौपाटीवर होता. समुद्राला आलेल्या भरतीमुळे गणेशमूर्ती अत्याधुनिक तराफ्यावर चढविताना अडचण निर्माण झाली. त्यामुळे तब्बल 33 तासांनंतर लालबागच्या राजाचं विसर्जन करण्यात आलं. यंदा देखील असेच काहीसं होत असल्याचं दिसून आलं आहे मिळालेल्या माहितीनुसार आज समुद्राला पहिली ओहोटी पहाटे ०५:२२ वाजता आली आहे. त्यावेळी पाण्याची पातळी केवळ ०.९७ मीटर इतकी होती. ओहोटीच्या काळात समुद्राची पातळी खूप खाली जाते. त्यामुळे विसर्जन करण्यासाठी आवश्यक असलेली पाण्याची खोली उपलब्ध होत नाही.

कोळीबांधवाच्या मदतीने लालबागच्या राजाचे विसर्जन होणार

गिरीगाव चौपाटी किंवा गिरगाव चौपाटीसारख्या ठिकाणी गणपती विसर्जन करताना पाण्याची पातळी पुरेशी असावी लागते. ओहोटी असल्यास मूर्ती समुद्रात विसर्जीत करणं कठीण होतं आहे. त्यामुळे लाडक्या राजाच्या विसर्जनासाठी सगळेच भक्त चौपाटीवर आहेत. दरम्यान यावर्षीही स्थानिक कोळीबांधवाच्या मदतीने लालबागच्या राजाचे विसर्जन होणार आहे. स्थानिक कोळीबांधवांना भरती ओहोटीचा अंदाज असल्याने त्यांच्याकडून विसजर्न करणार आहेत

गेल्या वर्षी 33 तासांनंतर विसर्जन

2025 साली लालबागच्या राजाची विसर्जन मिरवणूक सकाळी साडेसात वाजता गिरगाव चौपाटीवर दाखल झाली. मात्र भरतीमुळे अत्याधुनिक तराफा तरंगत राहिला आणि लालबागच्या राजाची ट्रॉली पाण्याखाली राहिली. त्यामुळे लालबागच्या राजाची मूर्ती ट्रॉलीवरून अत्याधुनिक तराफ्यावर चढवताना अडचणी निर्माण झाल्या. मंडळाने पाणी ओसरण्याची वाट पाहिली आणि कोळी बांधवांशी चर्चा करून भरतीदरम्यान विसर्जन न करण्याचा निर्णय घेतला.

लालाबागचा राजा हा मुंबईचा सांस्कृतिक वारसा आहे. त्याच्या विसर्जनाला लाखो लोकांचे भावविश्व जोडलेले आहे. ओहोटीसारख्या नैसर्गिक घटकांमुळे अडचणी येणे स्वाभाविक आहे. मात्र प्रशासन, स्वयंसेवक आणि भाविक यांच्या सहकार्याने विसर्जन सुरक्षितपणे पूर्ण होईल, अशी आशा आहे.