मालाड पश्चिम परिसरात आज १२ ऑक्टोबर रोजी दुपारी  सैफुल वैद्य वय ३५   बसच्या खाली म्हणजे मागील चाकाखाली आल्यानं त्याचा जागीच मृत्यू झाला. हा अपघात दुपारी १:३० ते २:३० च्या दरम्यान घडल्याचं बोललं जातं.

मालाड पश्चिम राठोडी परिसरात  भयानक अपघात

हा अपघात मालाड पश्चिम मार्वे रोड राठोडी पेट्रोल पंपसमोरील परिसरात घडला आहे. या अपघातात बसच्या खाली आल्यानं त्याचा जागीच मृत्यू झाला आहे. मृत तरुणाचं नाव सैफुल वैद्य असून ३५ वर्षाचे होते.सैफुल मूळचे पश्चिम बंगालचे रहिवासी होते,  ते थेट बसच्या मागील चाकाखाली आल्याचं बोललं जात आहे. त्यामुळे हा भीषण अपघात घडला अन् त्यात त्यांचा जागीच मृत्यू झाला. “अपघात होऊन मृत्यू झाल्याने, शवविच्छेदनासाठी (Post-Mortem) त्यांना शताब्दी हॉस्पिटल येथे नेण्यात आले आहे.

वाहतूक पोलिसांनी घटनास्थळी धाव , तर रस्त्यावर काही काळ मोठ्या प्रमाणावर वाहतूक कोंडी

अपघातानंतर लगेचच स्थानिक नागरिक आणि वाहतूक पोलिसांनी घटनास्थळी धाव घेतली.अपघातामुळे दुपारच्या वेळी मार्वे, रोड राठोडी  परिसरातील रस्त्यावर काही काळ मोठ्या प्रमाणावर वाहतूक कोंडी झाली होती. वाहतूक पोलिसांनी अपघातग्रस्त वाहने बाजूला करून रस्ता मोकळा केला.

पोलीस तपास 

मालवणी  पोलीस ठाण्याकडून घटनेचा पंचनामा केला जात असून, पुढील तपास मालवणी पोलीस निरीक्षक श्रीकांत इंगवले यांच्या मार्गदर्शनाखाली केला जात आहे.