अमोल भालेराव
बांगलादेशविरुद्धच्या पहिल्या कसोटी सामन्यात ऑस्ट्रेलियन क्रिकेट संघ अडचणीत आहे. पॅट कमिन्सच्या नेतृत्वाखालील संघाला हा सामना जिंकायचा असेल, तर त्यांना जवळपास 16 वर्षांपूर्वीच्या इतिहासाची पुनरावृत्ती करावी लागेल.आधी संघाची फलंदाजी सपशेल अपयशी ठरली आणि त्यानंतर गोलंदाजीही अयशस्वी ठरली. खेळाचे दोन दिवस उलटून गेले असून, सध्या बांगलादेश आघाडीवर असल्याचं दिसत आहे.
पहिल्या डावात बांगलादेशने 153 धावांची आघाडी घेतली
ऑस्ट्रेलियाविरुद्धच्या पहिल्या कसोटी सामन्यात बांगलादेशचा संघ मजबूत स्थितीत आहे. पहिल्या डावात बांगलादेशने 153 धावांची आघाडी घेतली. ऑस्ट्रेलियाला पहिल्या डावात 198 धावांवर रोखलं. त्यानंतर दुसऱ्या दिवसाचा खेळ संपला तेव्हा 6 गडी बाद 351 धावा केल्या. तसेच 153 धावांची आघाडी घेतली. यात तन्झिद हसन तमीमची शतकी खेळी महत्त्वाची ठरली.
सामन्याचा हिरो ठरला तन्झिद हसन
मात्र या सामन्याचा हिरो ठरला तन्झिद हसन.त्याने 101 धावांची शानदार शतकी खेळी केली. आपल्या कारकिर्दीतील केवळ दुसऱ्याच कसोटी सामन्यात तन्झिदने 101 धावांची शानदार शतकी खेळी केली. तन्झिद हसन तमीमने 197 चेंडूत 8 चौकार आणि 1 षटकारासह 101 धावा केल्या आणि बाद झाला. तन्झिदचे शतक ऐतिहासिक ठरलं आहे. कसोटी क्रिकेटमध्ये ऑस्ट्रेलियाविरुद्ध बांग्लादेशी फलंदाजाने दुसरे शतक आहे. यापूर्वीचे शतक 2006 मध्ये फतुल्ला येथे शहरियार नफीसने केलेल्या 138 धावांची खेळी केली होती. बांगलादेशचा सलामीवीर तन्झिद हसन तमीमने ऑस्ट्रेलियामध्ये ऐतिहासिक कसोटी शतक झळकावले आहे.
An innings that will live forever in Bangladesh’s history books as Tanzid Hasan makes his country’s first Test century on Australian shores 👏
Scorecard 📲 https://t.co/gIQtdBGVou pic.twitter.com/2KcJt0IP4d
— ICC (@ICC) August 14, 2026
चार वर्षांनी विदेशी भूमीवर बांग्लादेशी फलंदाजाने केलेले हे कसोटी शतक होतं.
विशेष म्हणजे,ऑस्ट्रेलियाच्या भूमीवर कसोटी शतक झळकावणारा तो पहिला बांगलादेशी फलंदाज ठरला आहे. कारण यापूर्वी अशी कामगिरी कोणत्याही बांगलादेशी खेळाडूला ऑस्ट्रेलियात यापूर्वी करता आलेली नाही. तन्झिदने हा विक्रम त्याच्या कसोटी कारकिर्दीतील दुसऱ्या सामन्यात केला आहे. 2022 मध्ये डर्बन येथे दक्षिण आफ्रिकेविरुद्ध महमूदुल हसन जॉयने शतक ठोकलं होतं. चार वर्षांनी विदेशी भूमीवर बांग्लादेशी फलंदाजाने केलेले हे कसोटी शतक होतं.
ऑस्ट्रेलियासमोर सर्वात मोठं आव्हान
आता पुढील डावात ऑस्ट्रेलियासमोर सर्वात मोठं आव्हान असणार आहे बांगलादेशची आघाडी कमी करणे आणि सामन्यात पुनरागमन करणे. बांगलादेशने ही आघाडी आणखी वाढवली तर ऑस्ट्रेलियासाठी सामना वाचवणंही मोठं आव्हान ठरू शकतं. ऑस्ट्रेलियाच्या घरच्या मैदानावर बांगलादेश इतिहास रचणार का? हे पाहणं महत्त्वाचं ठरणार आहे.
