स्कॉटलंडमधील ग्लासगो येथे सुरू असलेल्या कॉमनवेल्थ गेम्स २०२६ च्या दहाव्या दिवशी, शनिवारी, भारताने आठ सुवर्णपदके जिंकून उल्लेखनीय कामगिरी केली. कॉमनवेल्थ गेम्स 2026 मध्ये 1 जुलै हा दिवस भारतीय क्रीडा इतिहासातील सुवर्ण क्षण ठरला आहे. भारतीय बॉक्सर्संनी रिंगमध्ये असा काही धुमाकूळ घातला की,अवघ्या 9 तासांच्या अवधीत भारताच्या खात्यात 7 सुवर्ण आणि 3 रौप्य अशी तब्बल 10 पदके जमा झाली. बॉक्सिंगच्या मैदानात सर्वाधिक सुवर्ण पदके जिंकून भारत या स्पर्धेत जगात पहिल्या क्रमांकाचा देश बनला आहे. कॉमनवेल्थ गेम्समध्ये एकाच आवृत्तीत बॉक्सिंगमध्ये सात सुवर्णपदके जिंकण्याची भारताची ही पहिलीच वेळ आहे.या ऐतिहासिक कामगिरीसह भारताने पदकतालिकेत आतापर्यंत 13 सुवर्ण, 17 रौप्य आणि 8 कांस्य अशा एकूण 38 पदकांसह चौथ्या स्थानी आहे.

भारतासाठी रौप्यपदकांची सुरुवात

भारतासाठी रौप्यपदकांची सुरुवात प्रवीण चित्रवेल याने पुरुषांच्या ट्रिपल जंप स्पर्धेत केली. त्यानंतर बॉक्सिंगमध्ये जादूमणी सिंह याने पुरुषांच्या 55 किलो गटात रौप्यपदक पटकावले. पॅरा अॅथलेटिक्समध्ये शुभम जुयाल याने शॉटपुट प्रकारात रौप्य जिंकून भारताच्या पदकांमध्ये भर घातली. अनुभवी बॉक्सर लव्हलिना बोर्गोहेन हिने महिला 75 किलो गटात रौप्यपदक मिळवले. दिवसातील शेवटच्या बॉक्सिंग अंतिम सामन्यात नरेंदर बेरवाल यालाही रौप्यपदकावर समाधान मानावे लागले.त्यानंतर जूडोमध्ये उन्नती शर्मा हिने कांस्यपदक जिंकून भारताच्या पदकसंख्येत आणखी भर घातली.

अंकुश पंघालने पटकावले सुवर्ण

भारतासाठी दिवसातील शेवटचे सुवर्णपदक अंकुश पंघाल याने जिंकले. पुरुषांच्या 80 किलो गटाच्या अंतिम फेरीत त्याने इंग्लंडच्या डिमेजी शिट्टूचा 4-1 अशा विभाजित निर्णयाने पराभव करत सुवर्णपदक आपल्या नावावर केले. बॉक्सिंगमध्ये भारताचे हे सातवे सुवर्णपदक ठरले. यापूर्वी सचिन याने पुरुषांच्या 60 किलो गटाच्या अंतिम फेरीत नामिबियाच्या ट्रायगेन मॉर्निंग नदेवेलोचा 3-2 अशा विभाजित निर्णयाने पराभव करून सुवर्णपदक जिंकले होते.

लव्हलिनाला रौप्यावर मानावे लागले समाधान

महिला 75 किलो गटाच्या अंतिम सामन्यात लव्हलिना बोरगोहेनचा सामना ऑस्ट्रेलियाच्या एम्मा सुई ग्रीनट्री हिच्याशी झाला. अत्यंत चुरशीच्या झालेल्या या लढतीत एम्माने 4-1 अशा विभाजित निर्णयाने विजय मिळवत लव्हलिनाला रौप्यावर समाधान मानावे लागले.

अरुंधतीने जिंकले सुवर्ण

महिला 70 किलो गटात भारताच्या अरुंधती हिने इंग्लंडच्या चेंटेले रीडचा 5-0 अशा एकमताने निर्णयाने पराभव करत शानदार सुवर्णपदक जिंकले. दिवसाची सुरुवात भारतासाठी सुवर्णमयी ठरली. प्रीती पवार हिने महिला 54 किलो गटात सुवर्णपदक जिंकले. त्यानंतर जैस्मिन लंबोरिया हिने महिला 57 किलो गटात शानदार कामगिरी करत भारताला आणखी एक सुवर्ण मिळवून दिले.

GREATEST DAY EVER FOR INDIAN BOXING 😍 🥊

🥇 Sachin Siwach
🥇 Preeti Pawar
🥇 Jaismine Lamboria
🥇 Sakshi Chaudhary
🥇 Priya Ghanghas
🥇 Arundhati Choudhary
🥇 Ankush Panghal
🥈 Narender Berwal
🥈 Lovlina Borgohain
🥈 Jadumani Singh

7 GOLD & 3 SILVER IN THE SPACE OF 9 HOURS -… pic.twitter.com/eMrTL6WFFW

— Johns. (@CricCrazyJohns) August 1, 2026

प्रिया घंघासची उत्कृष्ट कामगिरी

महिलांच्या ६० किलो वजनी गटाच्या अंतिम सामन्यात भारताच्या प्रिया घंघासने उत्कृष्ट कामगिरी करत सुवर्णपदक पटकावले. तिने अटीतटीच्या लढतीत ४-१ असा विजय मिळवला.प्रियाने लढतीची जोरदार सुरुवात केली, पण तिची प्रतिस्पर्धी अल-अहमदियेने काही अचूक ठोसे मारून प्रत्युत्तर दिले. अंतिम फेरीत दोन्ही बॉक्सरमध्ये अटीतटीची लढत पाहायला मिळाली.

साक्षीने ५१ किलो वजनी गटाच्या अंतिम सामन्यात सुवर्णपदक जिंक

भारताच्या साक्षी चौधरीने महिलांच्या ५१ किलो वजनी गटाच्या अंतिम सामन्यात सुवर्णपदक जिंकले. तिने इंग्लंडच्या खेळाडूला ५-० ने हरवले.
साक्षीने संपूर्ण लढतीत उत्कृष्ट रणनीतीचा वापर केला. तिने आपल्या डाव्या हाताने प्रतिस्पर्ध्याचे ठोसे अडवले आणि उजव्या हाताने अचूक प्रतिहल्ले केले.

भारताने जिंकली 13 सुवर्णपदके

दिवसाची सुरुवात प्रीती पवारने महिलांच्या 54 किलो वजनी गटात सुवर्णपदक जिंकून केली. त्यानंतर जस्मिन लँबोरियाने महिलांच्या 57 किलो वजनी गटात सुवर्णपदक जिंकून भारताला दिवसातील दुसरे सुवर्णपदक मिळवून दिले. दिवसाच्या अखेरीस, भारतीय बॉक्सर अंकुश पांघलनेही उत्कृष्ट कामगिरी करत सुवर्णपदक जिंकले. भारताने या कॉमनवेल्थ गेम्समध्ये आतापर्यंत 13 सुवर्ण, 17 रौप्य आणि 8 कांस्य पदकांसह एकूण 38 पदके जिंकली आहेत. गुणतालिकेत भारत चौथ्या क्रमांकावर आहे.

त्यामुळे एकंदरीतच शुक्रवारी राष्ट्रकुल क्रीडा स्पर्धेत भारताने शानदार कामगिरी केली.