मुंबईतील बोरिवली पश्चिम येथील गोराई-मनोरी किनाऱ्याजवळ गेल्या चार महिन्यांपासून अडकलेल्या एका मोठ्या जहाजावर धक्कादायक घटना घडली आहे. या जहाजातून तब्बल चार मृतदेह बाहेर काढण्यात आले आहेत.

शिपवर चोरी करण्याचा प्रयत्न अन्…..

मुंबईच्या मनोरी येथे अडकलेल्या ऑईल शिपवर चोरी करण्याचा प्रयत्न करण्यात आला होता. माञ त्या चार चोरांचा मृत्यू झाल्याची धक्कादायक घटना समोर आली आहे. मिळालेल्या माहितीनुसार या चोरांनी छोट्या बोटीच्या सहाय्याने मनोरी बीचवर मान्सूनमध्ये अडकलेल्या ऑईल शिपवर यापूर्वी अनेक वेळा चोरी केली होती. त्यानंतर पुन्हा सात जणांची टोळी चोरी करण्यासाठी बोटीने शिपवर पोहोचली होती. त्यापैकी तीन जण बाहेर होते आणि चार जण आतमध्ये गेले होते, त्याचवेळी आतमध्ये काहीतरी स्फोट झाला ज्यात चार चोरांचा मृत्यू झाला आहे. आणि त्यातील एकाने स्वतः पोलिसांना घटनेची माहिती दिली आहे.तर काही सुञांच्या मते दरोडा टाकण्याच्या प्रयत्नात आठ जणांची एक टोळी स्पीडबोटने जहाजाजवळ आली होती. त्यातील एक जण बोटीवरच थांबला, तर इतर सात जण जहाजावर चढले.

तिसरा दरोड्याचा प्रयत्न अयशस्वी

मात्र मनोरी समुद्रात मान्सूनमध्ये अडकलेल्या ऑईल शिपजवळ गोराई पोलिस, कोस्टगार्ड आणि नेव्हीची टीम दाखल झाली असून प्रकरणाचा तपास करत आहे. पोलिसांच्या तपासानुसार, चोरांनी यापूर्वी दोनदा जहाजाला लक्ष्य केले होतं. त्यांनी २.५ लाख म्हणजे (२,५०,००० अमेरिकन डॉलर्स) आणि ५ लाख म्हणजे (५,००,००० अमेरिकन डॉलर्स) किमतीचा माल चोरला होता. हा त्यांचा तिसरा दरोड्याचा प्रयत्न अयशस्वी होता. या घटनेनंतर स्वतः चोरांपैकी एका सदस्याने ही माहिती पोलिसांना कळवली.

 

पोलीस जहाजातून मृतदेह बाहेर काढले

दरम्यान आता जहाजातून चार मृतदेह बाहेर काढण्यात आले आहेत. माहिती मिळताच, गोराई पोलीस घटनास्थळी दाखल झाले आणि त्यांनी नौदलाला कळवले. पोलिसांनी या घटनेत सहभागी असलेल्या तीन संशयितांना ताब्यात घेतले आहे. नौदलाच्या मदतीने, पोलीस जहाजातून मृतदेह बाहेर काढून शवविच्छेदनाची तयारी करत आहेत. घटनेचा क्रम, मृत्यूचे नेमके कारण आणि चोरीचा पैलू निश्चित करण्यासाठी सखोल तपास सुरू आहे.

जहाज चार महिन्यांपासून मुंबईतील या समुद्रात अडकून पडले होते

शिपच्या आत नेमका कोणत्या कारणामुळे स्फोट झाला, याचा तपास केला जात आहे. तसेच शिपमध्ये गेलेल्या सात जणांपैकी चार जणांचा मृत्यू नेमका कशामुळे झाला, याचीही माहिती घेतली जात आहे. या घटनेनंतर परिसरात एकच खळबळ उडाली आहे.जहाज गेल्या चार महिन्यांपासून मुंबईतील या समुद्रात अडकून पडले आहे. हे जहाज गेल्या चार महिन्यांपासून मनोरीच्या किनाऱ्यावर अडकून आहे. याच्या मालकाविरुद्ध आधीच एफआयआर दाखल करण्यात आला असून, तो परदेशात फरार झाल्याचे सांगितले जात आहे. या जहाजाचा वापर अवैध तेल-संबंधित कामांसाठी केला जात होता, असे म्हटले जात आहे.