अमोल भालेराव
नितेश तिवारी यांचा बहुप्रतिक्षित पौराणिक चित्रपट ‘रामायण’ बऱ्याच काळापासून चर्चेत आहे. प्रेक्षक या चित्रपटासाठी फारच उत्सुक आहेत. चित्रपटाच्या प्रदर्शनाला अजून काही काळ बाकी असला तरी, त्याचा ट्रेलर मात्र आतापासूनच चर्चेत आला आहे.
रणबीर कपूर, साई पल्लवी, यश आणि सनी देओल यांच्या प्रमुख भूमिका असलेल्या ‘रामायण’ चित्रपटाचा ट्रेलर २४ जुलै रोजी प्रदर्शित होणार होता, परंतु नंतर त्याची तारीख पुढे ढकलण्यात आली आहे. आता, निर्मात्यांनी प्रदर्शनाची नवीन तारीख जाहीर केली आहे.
‘रामायण’चा ट्रेलर या दिवशी प्रदर्शित होईल
‘रामायण’चे निर्माते नमित मल्होत्रा यांनी नुकतेच त्यांच्या इंस्टाग्राम या सोशल मीडिया हँडलवर एक पोस्ट शेअर केली आहे, ज्यामध्ये त्यांनी चित्रपटाच्या ट्रेलरबद्दल माहिती दिली आहे. त्या पोस्टमध्ये लिहिले आहे, “शुभ ब्रह्म मुहूर्तावर, गुरुवार, ३० जुलै २०२६ रोजी पहाटे ४:१५ वाजता, आम्ही ‘रामायण’च्या ट्रेलरचे जगभरात स्वागत करत आहोत.” म्हणजेच चित्रपटाचा ट्रेलर ३० जुलै रोजी, ब्रह्म मुहूर्ताच्या वेळी प्रदर्शित होणार असल्याचं त्यांनी सांगितलं आहे.
View this post on Instagram
चित्रपटाच्या टीमने नुकतेच दिल्लीत एका भव्य कार्यक्रमाचे आयोजन केलं होतं. यावेळी ट्रेलरची झलक दाखवण्यात आली आणि चित्रपटाच्या कलाकारांची पहिल्यांदाच ओळख करून देण्यात आली. हा चित्रपट सॅन दिएगो कॉमिक-कॉन २०२६ मध्ये देखील सादर करण्यात आला होता.
‘रामायण’ दोन भागांमध्ये प्रदर्शित केले जाईल
नितेश तिवारी यांचा ‘रामायण’ हा चित्रपट दोन भागांमध्ये प्रदर्शित होणार आहे. पहिला भाग यावर्षी दिवाळीत, तर दुसरा भाग पुढील वर्षी २०२७ साली दिवाळीत प्रदर्शित होईल. रणबीर कपूर ‘राम’, साई पल्लवी ‘सीता’, सनी देओल ‘हनुमान’, यश ‘रावण’ आणि रवी दुबे ‘लक्ष्मण’ यांच्या भूमिका साकारणार आहेत. या चित्रपटाचे बजेट ४,००० कोटी रुपये असल्याचे म्हटले जाते. या चित्रपटावर जगभरातील हजारो कलाकारांनी आणि तंत्रज्ञांनी काम केले.त्यामुळे ट्रेलर पाहिल्यानंतर चित्रपटाबाबत प्रेक्षकांची उत्सुकता अजूनच वाढणार आहे हे नक्की.
