अमोल भालेराव
Sahar Yanus Shaikh Speech | सहर शेख यांचा माफीनामा
मुंब्रा :AIMIM (ऑल इंडिया मजलिस-ए-इत्तेहादुल मुस्लिमीन)पक्षाचे नगरसेवक सहर शेख यांनी
हिंदू समाजात चिथावणी निर्माण करणाऱ्या
“हम मुंब्रा को हरा बना देंगे”
या वक्तव्याबद्दल लिखित स्वरूपात माफी मागितली आहे.
या प्रकरणी मुंब्रा पोलीस स्टेशन येथे तक्रार दाखल झाल्यानंतर
पोलीस प्रशासनाने सहर शेख यांना कायद्यानुसार नोटीस बजावली होती.
या संपूर्ण प्रकरणाची माहिती
किरिट सोमय्या
यांनी सोशल मीडियावरील ट्विटद्वारे दिली आहे.
किरीट सोमय्या यांनी सांगितले की,
“माझ्या तक्रारीनंतर मुंब्रा पोलिसांनी संबंधित व्यक्तीस नोटीस पाठवली.
आज मी स्वतः पाठपुरावा करण्यासाठी मुंब्रा पोलीस स्टेशनला गेलो असता,
सदर प्रकरणातील कारवाईबाबतची माहिती मला *लिखित स्वरूपात देण्यात आली.”
पोलीस पत्रानुसार,
सहर शेख यांना नोटीस बजावून त्यांची चौकशी करण्यात आली असून
त्यांनी आपल्या वक्तव्याबाबत खेद व्यक्त करत जाहीर माफी मागितली आहे.
तसेच भविष्यात कोणत्याही समाजाच्या भावना दुखावतील,
अशा प्रकारचे वक्तव्य न करण्याचे आश्वासन दिले आहे.
या प्रकरणामुळे मुंब्रा परिसरात राजकीय व सामाजिक वर्तुळात चर्चा सुरू असून
पोलीस प्रशासनाने कायदा व सुव्यवस्थेच्या दृष्टीने आवश्यक ती दक्षता
घेतल्याचे स्पष्ट झाले आहे.
